25 qazanǵa arnalǵan aýa raıy boljamy
ASTANA. 24 qazan. QazAqparat - Qazaqstannyń batysynda jáne ońtústik-shyǵysynda aýa raıy jaýyn-shashynsyz bolady dep kútilýde. Respýblıkanyń qalǵan aýmaǵynda atmosferalyq aǵyndardyń ótýine baılanysty keı jerlerde jaýyn-shashyn bolady, jel kúsheıedi, keı jerlerde tuman túsedi dep kútilýde, dep habarlaıdy QR TJM baspasóz qyzmetinen «Qazgıdromet» RMK-ǵa silteme jasap.
Aqmola, Batys Qazaqstan oblystarynda, túnde Qaraǵandy oblysynda keı jerlerde tuman túsedi. Ońtústik Qazaqstan, Qyzylorda, Shyǵys Qazaqstan oblystarynda, túnde Atyraý oblysynda keı jerlerde jel 15-20 m/s-qa deıin kúsheıedi. Aqtóbe, Qostanaı, Soltústik Qazaqstan oblystarynda keı jerlerde tuman túsedi dep kútilýde, keı jerlerde 15-20 m/s jel soǵady.
Aldaǵy táýlikte respýblıkanyń ońtústigi jáne ońtústik-shyǵysynyń ózenderinde sý deńgeıi turaqsyz bolady dep kútilýde, Batys Altaıdyń jekelegen ózenderinde (ShQO) jańbyr jaýýyna baılanysty sý shyǵyny ulǵaıýy múmkin. Qazaqstannyń batys, soltústik, soltústik-shyǵys, shyǵys jáne ortalyq oblystarynyń sý nysandarynda sý betiniń salqyndaýy baıqalady.
