25 qazanda Reseıde jańa iPhone satý bastalady
ASTANA. 10 qazan. Reseıde 25 qazannan bastap iPhone 5s jáne iPhone 5c smartfondaryn resmı satý bastalady, dep habarlady amerıkandyq tehnologııalyq alpaýyt Apple.
Bul týraly RBK agenttigi habarlady.
Sondaı-aq Reseıden basqa osy kúnnen bastap iPhone jańa modelderin Italııada, Ispanııada, Avstrııada, Bolgarııada, Grekııada, Danııada jáne basqa elderde satyp alýǵa bolady. Al 1 qarashadan bastap iPhone 5s jáne iPhone 5c Úndistanda, Meksıkada, Chernogorııada, Túrkııada jáne basqa da birqatar naryqtarda satýǵa shyǵarylady. iPhone 5s baǵasy jady 16 Gb bolsa, - 199 dollar, jady - 32 Gb bolsa - 299 dollar, 64 Gb bolsa - 399 dollar bolmaq.
Qazirgi kezde smartfondar AQSh-ta, Avstralııada, Kanadada, Qytaıda, Frantsııada, Germanııada, Japonııada jáne basqa elderde satylýda.
Budan buryn Apple 22 qazanda iPad planshettik kompıýteriniń jańa modelin usynatynyn habarlady.
Apple kompanııasy baǵdarlamalyq qamtamasyz etý, derbes kompıýterler, aýdıopleerler jáne telefondar óndirisimen aınalysady. Korporatsııada 60,4 myńǵa tarta adam jumys isteıdi. 2011-2012 jyldardaǵy qarjy jylynda kompanııanyń taza tabysy 1,6 ese ósip, 41,73 mlrd. dollarǵa jetti. Kompanııanyń tabysy 45 paıyzǵa artyp, 156,50 mlrd.dollardy qurady.
