25 qazanda Qazaqstanda 10 gradýsqa deıin aıaz bolýy múmkin - Qazgıdromet

Sınoptıkterdiń boljamynsha, Qazaqstan aýmaǵy aýqymdy antıtsıklonnyń yqpalynda bolady. Eldiń basym bóliginde jaýyn-shashynsyz aýa raıy kútiledi. Degenmen keıbir óńirlerde qolaısyz aýa raıy saqtalady.

Almaty qalasynda túnde aýa temperatýrasy -2...-4 gradýsqa deıin tómendeıdi. Іle Alataýy taýlarynda, Medeý jáne Bostandyq aýdandarynyń taýly aımaqtarynda jeldiń ekpini 17-22 m/s-ke jetedi.

Almaty oblysynyń shyǵysynda, ortalyǵynda jáne taýly aýdandarynda jeldiń ekpini 17-22 m/s bolady. Túnde oblys aýmaǵynda -1...-6 gradýsqa deıin úsik júredi. Qonaev qalasynda kúndiz jeldiń ekpini 18 m/s-ke deıin kúsheıip, túnde aýa temperatýrasy -2...-4 gradýsqa deıin tómendeıdi.

Aqmola oblysynyń batysynda, soltústiginde jáne ońtústiginde túnde jáne tańerteń tuman túsedi.

Qaraǵandy oblysynyń soltústigi men shyǵysynda túnde jáne tańerteń tuman kútiledi. Óńirdiń batysynda tótenshe órt qaýpi saqtalady.

Ulytaý oblysynyń soltústigi men shyǵysynda túnde jáne tańerteń tuman túsedi. Kúndiz ońtústikte jeldiń ekpini 15 m/s-ke jetedi. Oblystyń batysy men ortalyǵynda, sondaı-aq Jezqazǵan qalasynda tótenshe órt qaýpi saqtalady.

Batys Qazaqstan oblysynyń soltústigi men shyǵysynda, sonyń ishinde Oral qalasynda túnde jáne tańerteń tuman kútiledi. Oblystyń soltústik-batysynda, batysynda, ońtústiginde jáne shyǵysynda joǵary órt qaýpi saqtalady.

Mańǵystaý oblysynyń batysynda, soltústiginde jáne ortalyǵynda shańdy daýyl soǵady. Jeldiń ekpini 15-20 m/s bolady. Óńirde joǵary órt qaýpi, al ortalyq bóliginde tótenshe órt qaýpi saqtalady.

Atyraý oblysynyń batysy men ońtústiginde kúndiz shańdy daýyl kútiledi. Jeldiń ekpini 15-20 m/s-ke deıin kúsheıedi. Atyraý qalasyn qosa alǵanda, oblystyń barlyq aýmaǵynda tótenshe órt qaýpi saqtalady.

Shyǵys Qazaqstan oblysynyń soltústigi men shyǵysynda túnde jáne tańerteń tuman túsedi. Óskemen qalasynda da osyndaı aýa raıy boljanyp otyr.

Abaı oblysynyń ortalyq bóliginde túnde jáne tańerteń tuman kútiledi.

Jambyl oblysynyń taýly aýdandarynda tuman túsedi. Ońtústik-batysynda, soltústik-shyǵysynda jáne taýly aımaqtarynda jeldiń jyldamdyǵy 15-20 m/s, ekpini 23-28 m/s bolady. Túnde oblys boıynsha -3...-8 gradýsqa deıin úsik júredi. Taraz qalasynda aýa temperatýrasy -5...-7 gradýsqa deıin tómendeıdi. Óńirdiń soltústigi men ońtústiginde joǵary órt qaýpi saqtalady.

Soltústik Qazaqstan oblysynyń batysynda, soltústiginde jáne ońtústiginde, sonyń ishinde Petropavl qalasynda túnde jáne tańerteń tuman kútiledi.

Pavlodar oblysynyń batysy men soltústiginde túnde jáne tańerteń tuman túsedi.

Qostanaı oblysynyń batysy men soltústiginde túnde jáne tańerteń tuman kútiledi. Oblystyń ońtústiginde joǵary órt qaýpi saqtalady.

Qyzylorda oblysynyń soltústiginde, shyǵysynda jáne ortalyǵynda kúndiz shańdy daýyl soǵady. Jeldiń ekpini 15-20 m/s, shyǵysynda 23-28 m/s-ke jetedi. Túnde soltústik jáne ortalyq aýdandarda -3 gradýsqa deıin úsik júredi. Qyzylorda qalasynda kúndiz shańdy daýyl soǵyp, jeldiń ekpini 20 m/s-ke jetedi. Oblys aýmaǵynda tótenshe órt qaýpi, al soltústiginde joǵary órt qaýpi saqtalady.

Jetisý oblysynyń taýly aýdandarynda túnde jáne tańerteń tuman túsedi. Shyǵysynda jáne taýly aımaqtarynda jeldiń ekpini 15-20 m/s, Alakól mańynda keı ýaqytta 23-28 m/s-ke jetedi. Túnde -5...-10 gradýsqa deıin úsik júredi. Taldyqorǵan qalasynda aýa temperatýrasy -8...-10 gradýsqa deıin tómendeıdi. Oblystyń shyǵysynda tótenshe, al ońtústiginde joǵary órt qaýpi saqtalady.

– Qazaqstan aýmaǵy aýqymdy antıtsıklonnyń yqpalynda bolady. Eldiń basym bóliginde jaýyn-shashynsyz aýa raıy kútiledi, – delingen sınoptıkterdiń boljamynda.

Aıta keteıik, buǵan deıin Qazaqstanǵa sýyq antıtsıklonnyń kelýine baılanysty kún raıy aıtarlyqtaı salqyndaıtyny habarlanǵan edi. Sınoptıkterdiń boljamynsha, eldiń soltústigi men shyǵysynda túngi aýa temperatýrasy birtindep -5...-10 gradýsqa, al ońtústik óńirlerde -2...-7 gradýsqa deıin tómendeıdi.