25 qazan - Qazaqstannyń memlekettik egemendigi týraly deklaratsııa qabyldanǵan kún
ASTANA. 25 qazan. QazAqparat - 1990 jyldyń 25 qazany kúni Qazaq KSR Joǵarǵy Keńesiniń sheshimimen «Qaz SSR-niń memlekettik egemendigi týraly» deklaratsııa qabyldandy.
Sol sátten bastap egemendi Qazaqstan ózindik kózqarasy bar jeke memleket retinde tanyla bastady.Qabyldanǵan deklaratsııa Qazaqstannyń bolashaq táýelsizdiginiń irgetasy sanaldy. Bul deklaratsııanyń qabyldanýymen egemendigin málim etetin jeke terrıtorııasy, azamattyǵy, memlekettik bıýdjeti, halyqaralyq qatynastardaǵy derbestigi, memlekettik rámizderimiz bekitildi. Qazaqstannyń egemendigi jáne terrıtorııasynyń tutastyǵy saıası, quqyqtyq jáne ekonomıkalyq turǵydan dáıekteldi. Osy kezden bastap demokratııalyq qoǵam qurý maqsatynda el ishindegi qoǵamdyq-saıası qurylymǵa biraz ózgerister engizile bastady. Bul akt arqyly álem kartasyndaǵy jańa memleket - Qazaqstan Respýblıkasynyń negizi qalandy.
Bul kún 2001-2009 jyldar aralyǵynda memlekettik mereke retinde atap ótilip keldi. 2009 jyly "Qazaqstan Respýblıkasyndaǵy merekeler týraly" qoldanystaǵy zańǵa ózgerister engizildi. Oǵan sáıkes, 30 tamyz - Qazaqstan Respýblıkasynyń Konstıtýtsııasy kúni ulttyq mereke bolyp ózgertilýine baılanysty, 25 qazan - Respýblıka kúni memlekettik merekeler tiziminen alynyp tastaldy.
