25 qarashada kún tutylady
ASTANA. 6 qarasha. QazAqparat - 2011 jyldaǵy tórtinshi ári sońǵy kúnniń tutylýy 25 qarashaǵa tuspa-tus kelip tur.
«Oko planety» málimetteri boıynsha, tabıǵattyń mundaı qubylysyn tek Ońtústik jartyshardyń bıik beldeýlerinde ornalasqan elder: OAR, Jańa Zelandııa, Tasmanııa men Antarktıdany mekendeýshiler ǵana tamashalaı alady.
Live Science málimetterine sáıkes, kúnniń tutylýyn, ásirese, Antarktıdadan jaqsy kórýge bolady. Al Jańa Zelandııanyń týrısteri men turǵyndary kún tutylýynyń tek tórtten birin kóre alady. Antarktıdada kún 90%-ǵa jabylatyn kórinedi.
Bıylǵy jyly kúnniń alǵashqy tutylýy 4 qyrkúıekte boldy, ony Eýropa, Taıaý Shyǵys, Ortalyq Azııa men Soltústik Afrıka elderi kóre aldy. Ekinshisi -1 maýsymda, bul qubylys ta asa baıqalmaı ótip ketti, sebebi ol tek Soltústik jartyshardyń eń bıik beldeýlerinen: Kanadadan, Grenlandııadan, Skandınavııa men Qytaıdyń keı jerlerinen ǵana kórindi. Kúnniń úshinshi ret tutylýy 1 shildede tirkeldi, ony tek NASA astronomdary ǵana kóre aldy.
