25 qarashada Qazaqstanda bolatyn mańyzdy oqıǵalarǵa sholý

ASTANA. QazAqparat - «QazAqparat» halyqaralyq aqparat agenttigi 25 qarasha kúni Qazaqstanda ótetin mańyzdy oqıǵalarǵa sholýdy usynady.

ASTANA

Saǵat 10:00-de Qazaqstan Respýblıkasy Ulttyq mýzeıinde «Rýhanı jańǵyrý ıdeıasy turǵysynda Uly Dala eliniń ejelgi jáne ortaǵasyrlyq tarıhy máseleleri» halyqaralyq ǵylymı-praktıkalyq konferentsııasy ótedi. Uıymdastyrýshylar: QR Mádenıet jáne sport mınıstrligi, Qazaq ǵylymı-zertteý mádenıet ınstıtýty, «Berel» memlekettik tarıhı-mádenı mýzeı-qoryǵy.

Saǵat 10:00-12:30 aralyǵynda «Komfort otel Astana» májilis zalynda «Jalpy ulttyq talqylaý» jobasy aıasynda «Ashyq úkimet» veb-platformasy men «Aqparatqa qol jetkizý týraly» zańnamany jetildirý boıynsha qoǵamdyq talqylaý ótkizý josparlanýda.

11:00-de «Nur Álem» pavılonynyń aldynda Astanadaǵy eń úlken muz aıdynynyń ashylýy ótedi.

Al, 14:00-de Qazaqstan Respýblıkasy Prezıdentiniń janyndaǵy Memlekettik basqarý akademııasynda Ulttyq Memlekettik saıasat mektebi túlekteriniń forýmy ótedi. 

ALMATY

11:00-de Dostyq úıinde latyn álipbıine ótý boıynsha aldaǵy josparlardy talqylaýǵa arnalǵan «Rýhanı jańǵyrý» taqyrybynda dóńgelek ústel ótedi.

OŃTÚSTІK QAZAQSTAN OBLYSY

Saǵat 09:00-de «OŃTÚSTІK» aımaqtyq ınvestıtsııalyq ortalyǵy» ǵımaratynyń aldynda «RIC ON KO'RME» atty aptalyq jármeńke ótedi. Atalǵan jármeńkede tek qana «OŃTÚSTІK» AIO jáne «Yrys» mıkroqarjy uıymy arqyly qarjylandyrylǵan taýar óndirýshileri óz ónimderin naryqtan tómen baǵada usynatyn bolady.

AQMOLA OBLYSY

Saǵat 12:00-de Kókshetaýdaǵy Dostyq úıinde «Tájik ulttyq-mádenı ortalyǵy» qoǵamdyq birlestigi ashylady.