25 qarashada elimizdegi qaı joldar ashyq, qaısysy jabyq
ALMATY. KAZINFORM – 25 qarashada elimizdiń keı óńirlerinde aýa raıynyń jaqsarýyna baılanysty joldar qaıta ashyla bastaǵanymen, keı oblystardaǵy birqatar baǵytta qozǵalys áli de shektelip otyr.
Ulttyq kompanııanyń málimetinshe, 25 qarasha kúni saǵat 07:00-de respýblıkalyq mańyzy bar kelesi avtojoldarda shekteý alynyp, barlyq kólik túrine qozǵalys ashyldy.
Abaı oblysy
• KAZ08 «Almaty – Taldyqorǵan – Óskemen – Shemonaıha – RF shekarasy» avtojoly (Sarqan, Aıagóz aınalma joly jáne Muqry asýyna deıin), 683-1013-shaqyrym, (Taskeskennen Shyǵys Qazaqstan oblysy shekarasyna deıin);
• KAZ07 «QHR shekarasy – Maıqapshaǵaı – Zaısan – Qalbataý –Semeı – Pavlodar – RF shekarasy» avtojoly, 756-1103-shaqyrym, (Semeı qalasynan Shyǵys Qazaqstan oblysy shekarasyna deıin);
• KAZ15 «Qaraǵandy – Aıagóz – Tarbaǵataı – Boǵas» avtojoly, 707-941-shaqyrym, (Aıagóz qalasynan Boǵas aýylyna deıin).
Shyǵys Qazaqstan oblysy
• KAZ07 «QHR shekarasy – Maıqapshaǵaı – Zaısan aınalýy – Qalbataý – Semeı – Pavlodar – RF shekarasy» avtojolynyń 1103-1256-shaqyrym aralyǵy (Abaı oblysy shekarasynan Zaısan qalasyna deıin);
• KAZ08 «Almaty – Taldyqorǵan – Óskemen – Shemonaıha – RF shekarasy» avtojolynyń 1013-1048-shaqyrym aralyǵy (Ýlanskoe aýylynan Abaı oblysy shekarasyna deıin).
Al úsh oblystaǵy joldarda qozǵalys boıynsha shekteý áli de bar.
Pavlodar oblysy
«Astana – Shiderti – Pavlodar – Ýspenka – RF shekarasy» avtojolynda (Qalqaman eldi mekenine kireberis pen Astanaǵa shyǵatyn baǵyt) kóliktiń barlyq túri úshin qozǵalysqa ýaqytsha shekteý engizildi.
Qalqaman eldi mekeninen Astanaǵa qozǵalys Bereke «Qalqaman – Aqsý» kólik aıryǵy arqyly (uzaqtyǵy 6 shaqyrym) jáne Pavlodar qalasynan Qalqaman eldi mekenine qozǵalys «Baıanaýyl» kólik aıryǵy arqyly júzege asyrylady.
Soltústik Qazaqstan oblysy
«Tımırıazevo – Sarykól – oblys shekarasy» avtojolynyń 0-30-shaqyrymynda (Qostanaı oblysy shekarasy – Tımırıazevo aýyly) kóliktiń barlyq túri úshin shekteý bar.
Shyǵys Qazaqstan oblysy
Tirkemesi bar jáne jartylaı tirkemeli júk kólikteriniń qozǵalysy Osınov asýynda ýaqytsha shekteldi. Shekteý «Óskemen – Altaı – Katonqaraǵaı – Rahman qaınary» avtojolynyń 46-66-shaqyrymyndaǵy (Severnoe aýyly – Serebrıansk qalasy) ýchaskesinde saqtalady.
Eske salaıyq, buǵan deıin QazAvtoJol júrgizýshilerge úndeý jasaǵan edi.