25 qańtarda Qazaqstannyń soltústiginde qar jáne burqasyn kútilýde
ASTANA. 24 qańtar. QazAqparat - QR Qorshaǵan ortany qorǵaý mınıstrliginiń «Qazgıdromet» RMK-nyń málimetterinshe, 2013 jyldyń 25 qańtarynda Qazaqstannyń kóptegen bóligi áli de frontaldyq bólikterdiń yqpalynda bolyp, onymen birge aýa raıynyń turaqsyz sıpaty saqtalady,
jaýyn-shashynnyń túsýi (soltústik aımaqtarda - qar), burqasyn, jeldiń kúsheıýi, jekelegen aýdandarda tuman, kóktaıǵaq bolýy yqtımal.
Respýblıkanyń ońtústik-shyǵysynda ǵana jaýyn-shashynsyz aýa raıy saqtalýda.
Almaty oblysynyń Jalańashkól aýdanynda jeldiń 18-23 m/s-qa deıin kúsheıýi kútiledi, kúndiz jel ekpini 28 m/s-qa deıin jetýi múmkin.
Jambyl oblysynyń keıbir jerlerinde tuman túsedi, kóktaıǵaq, jeldiń ekpini 15-20 m/s-qa deıin kúsheıedi, kúndiz jel ekpini 23-28 m/s-qa deıin jetedi, jekelegen aýdandarda jel ekpini 30 m/s-tan asady.
Aqmola oblysynda jeldiń 15-20 m/s-qa deıin kúsheıýi, keıbir jerlerde jel ekpininiń 25 m/s-qa deıin jetýi, burqasyn kútilýde.
Qyzylorda, Batys Qazaqstan, Aqtóbe oblystarynyń keıbir jerlerinde tuman, kóktaıǵaq, jeldiń 15-20 m/s-qa deıin kúsheıýi, Aqtóbe oblysynda burqasyn kóterilýi kútiledi.
Ońtústik Qazaqstan oblysynyń keıbir jerlerinde tuman túsip, jeldiń kúshi 15-20 m/s-qa deıin jetýi yqtımal.
Mańǵystaý oblysynyń keıbir jerlerinde tuman túsip, kúndiz keıbir jerlerde jel 15-20 m/s jyldamdyqpen soǵady.
Atyraý oblysynyń keıbir jerlerinde tuman túsip, kóktaıǵaq bolady.
Qostanaı, Qaraǵandy oblystarynyń keıbir jerlerinde tuman túsip, kóktaıǵaq bolady, túnde keıbir jerlerde jeldiń 15-20 m/s jyldamdyqpen soǵýy kútiledi, oblystardaǵy aýmaqtardyń kóptegen bóliginde kúndiz jeldiń ekpini 15-20, keıbir jerlerde 25 m/s-qa deıin kúsheıedi.
Soltústik Qazaqstan oblysynyń keıbir jerlerinde burqasyn bolady, túnde keıbir jerlerde jeldiń 15-20 m/s-qa deıin kúsheıýi yqtımal, kúndiz aýmaqtyń kóptegen bóliginde jel ekpini 15-20, keıbir jerlerde 25 m/s-qa deıin kúsheıedi.
Shyǵys Qazaqstan oblysynyń keıbir jerlerinde burqasyn bolyp, jeldiń 15-20 m/s-qa deıin kúsheıýi, jel ekpininiń 25 m/s-qa deıin jetýi kútiledi.
Pavlodar oblysynyń keıbir jerlerinde jeldiń 15-20 m/s-qa deıin kúsheıýi, burqasyn bolýy kútiledi.
Jaqyn táýlikterde respýblıkanyń ońtústik, ońtústik-shyǵys jáne shyǵysyndaǵy ózenderinde sý deńgeıleriniń aýytqýlary baıqalady, respýblıkanyń ońtústik jáne ońtústik-shyǵysyndaǵy jekelegen ózenderinde muz qubylystarynyń álsireýi kútiledi. Qazaqstannyń qalǵan sý nysandarynda gıdrologııalyq rejımde aıtarlyqtaı ózgerister bolmaıdy.
