25 qańtar. Tulǵalar týǵan kún
Búgin, 25 qańtar kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
63 jyl buryn (1962) Almaty oblystyq sotynyń azamattyq ister jónindegi sot alqasynyń tóraǵasy Qaldarbek Jumabaıuly DOSYMBET dúnıege kelgen.
Shymkent qalasynda týǵan. S.M.Kırov atyndaǵy Qazaq memlekettik ýnıversıtetin bitirgen, zańger.
Eńbek joly: 1979 jyly Almaty jylý oqshaýlaǵysh konstrýktsııalar jáne kommýnıkatsııalar zaýytynda qyzmet etti, 1979-1981 jyldary Almaty aýyr mashına jasaý zaýytynyń ustasy, 1981 jyly Almaty qalasy televızııa jáne radıohabar taratý Memlekettik komıtetiniń 6-razrıadty aǵash ustasy, 1981-1983 jyldary Almaty q. Kalının aýdandyq sotynyń kýreri, 1985-1991 jyldary Almaty qalasy Kalının aýdandyq sot otyrysynyń hatshysy, sot oryndaýshysy, 1991-1992 jyldary Almaty qalasy Ádilet basqarmasynyń kadr jónindegi keńesshisi, 1992-1998 jyldary Almaty qalasy Áýezov aýdandyq sotynyń sýdıasy, 1998-2001 jyldary Almaty qalasy Almaly aýdandyq sotynyń sýdıasy, 2001-2002 jyldary QR Joǵarǵy Soty janyndaǵy Sot ákimshilik komıteti Almaty oblysy sotynyń ákimshisi, 2002-2007 jyldary Almaty oblysy SMES tóraǵasy, 2007-2009 jyldary Almaty oblysy Taldyqorǵan qalasy sotynyń tóraǵasy, 2009-2012 jyldary Almaty oblysy Medeý aýdandyq sotynyń tóraǵasy, 2012-2015 jyldary Almaty qalasy Bostandyq aýdandyq sotynyń tóraǵasy qyzmetterin atqardy.
Qazirgi qyzmetinde - 2015 jyldan beri.
«Qazaqstan Respýblıkasynyń Táýelsizdigine 10 jyl», «Astanaǵa 10 jyl» medaldarymen marapattalǵan.
62 jyl buryn (1963) Sot alqasynyń tóraǵasy Nurjan Úsiphanuly QAIYPJAN dúnıege keldi.
Shymkent oblysynda (Qazirgi – Túrkistan oblysy) týǵan. Qazaq memlekettik ýnıversıtetin bitirgen, zańger.
1986-1989 jyldary Shymkent oblysy Túrkistan qalasy prokýratýrasynda aǵa tergeýshiniń mindetin atqarýshy, aǵa tergeýshi. Shymkent oblysy Shardara aýdany prokýratýrasynyń aǵa tergeýshisi. 1991-1996 jyldary Shymkent oblysy Túlkibas aýdany prokýratýrasynyń tergeýshisi, prokýrordyń orynbasary. 1996-2002 jyldary Ońtústik Qazaqstan oblystyq sotynyń sýdıasy. 2002-2008 jyldary Ońtústik Qazaqstan oblysy mamandandyrylǵan aýdanaralyq ekonomıkalyq sotynyń tóraǵasy. 2008-2010 jyldary Almaty oblystyq sotynyń azamattyq ister alqasynyń tóraǵasy.
2024 jyldyń qańtar aıynan bastap qazirgi qyzmetinde.
60 jyl buryn (1965) Qazaqstan Respýblıkasy Jetinshi saılanǵan Parlamenti Májilisiniń depýtaty, Áleýmettik-mádenı damý komıtetiniń múshesi Gúldara Aldanyshqyzy NURYMOVA dúnıege keldi.
Qyzylorda oblysynda týǵan. 1982-1988 jyldary Qaraǵandy memlekettik medıtsına ınstıtýtyn «Emdeý isi» mamandyǵy boıynsha bitirgen.
Eńbek joly: 1988 jyly Taraz qalasyndaǵy Jedel medıtsınalyq járdem aýrýhanasynyń ıntern dárigeri, terapevt dárigeri, 1993 jyly Taraz qalasyndaǵy Temirjol aýrýhanasynyń terapevt dárigeri, bas dáriger orynbasary, 1999-2020 jyldary «Meıirim» medıtsınalyq ortalyǵynyń dırektory, 2021 jyldan bastap «Nur Otan» partııasynyń partııalyq tizimi boıynsha VII shaqyrylǵan Qazaqstan Respýblıkasy Parlamenti Májilisiniń depýtaty.
QR Prezıdentiniń Qurmet gramotasy, «Qurmet» ordeni, «Eren eńbegi úshin» medalimen marapattalǵan, «Densaýlyq saqtaý isiniń úzdigi».
52 jyl buryn (1973) «Build Investment Group» holdınginiń basqarma tóraǵasy Amangeldi Ǵabdýllınuly OMAROV dúnıege keldi.
Omby oblysynda týǵan. Omby memlekettik agrarlyq ýnıversıtetin «Býhgalterlik esep. Ekonomıkalyq qyzmetti baqylaý jáne taldaý» mamandyǵy boıynsha bitirgen.
Eńbek joly: «Build Investments Group» aktsıonerlik qoǵamy Basqarma tóraǵasynyń qarjy jónindegi orynbasary (2007-2010), BI Development kompanııasynyń dırektorlar keńesiniń tóraǵasy (2010-2018), BI Group holdınginiń basqarma tóraǵasy (2018 jyldan bastap).
31 jyl buryn (1994) Qazaqstan Respýblıkasy Joǵary bilim mınıstrligi «Halyqaralyq baǵdarlamalar ortalyǵy» AQ basqarma tóraǵasy Ádil Mıratuly QUSMANOV dúnıege keldi.
Shyǵys Qazaqstan oblysynda týǵan. Nazarbaev Ýnıversıtetin bitirgen, Matematıka bakalavry, Oksford ýnıversıteti, «Bolashaq» baǵdarlamasy, matematıkalyq modeldeý jáne ǵylymı esepteýler salasyndaǵy ǵylym magıstri (2017-2018).
Eńbek joly: Qazaqstan Respýblıkasy Tuńǵysh Prezıdentiniń Qory janyndaǵy Álemdik ekonomıka jáne saıasat ınstıtýtynyń jetekshi sarapshysy (2018-2020); Qazaqstan Respýblıkasy Prezıdenti janyndaǵy Áleýmettik-ekonomıkalyq reformalardy taldaý jáne monıtorıng ortalyǵynyń konsýltanty, basshysynyń orynbasary, saraptamalyq-taldaý tobynyń jetekshisi (2020-2023); Qazaqstan Respýblıkasy Ulttyq ekonomıka mınıstrligi «Ekonomıkalyq zertteýler ınstıtýty» AQ basqarma tóraǵasynyń orynbasary (2023-2024).
2024 jyldyń qarasha aıynan beri qazirgi qyzmetinde.
«Eren eńbegi úshin» medalimen marapattalǵan.