25 qańtar kúni Qazaqstanda ótetin mańyzdy sharalarǵa sholý

ASTANA

Saǵat 09.00-de A.I. Baraev atyndaǵy astyq sharýashylyǵy ǵylymı-óndiristik ortalyǵynda jastar jylyna baılanysty BAQ ókilderine arnalǵan jıyn ótkiziledi.

Saǵat 09.00-de Astana Marriott Hotel qonaq úıinde memlekettik organdardyń basshylary úshin strategııalyq josparlaý protsesindegi turaqty damý ındıkatorlarynyń ıntegratsııalanýy máselesi jóninde semınar-trenıng ótkiziledi.

Saǵat 10.00-de Nazarbayev University ǵımaratynda Jastar jylynyń ashylýy aıasynda Qazaqstan halqy Assambleıasy Kásipkerler qaýymdastyǵy kóshbasshylarynyń Self-made jastar forýmy óz jumysyn bastaıdy.

Saǵat 10.00-de «Afarı» bıznes-ortalyǵynda «Jastar jyly» aıasynda beıresmı bilim berýdiń avtorlyq skaýttyq baǵdarlamasynyń tusaýkeseri ótedi.

Saǵat 10.50-de QazMedıaOrtalyqta býhgalterler men jetekshilerge arnalǵan jyl saıynǵy VIII «1S» Forýmy ótedi.

Saǵat 14.00-de «Sputnik Qazaqstan» baspasóz ortalyǵynda Astana-Mınsk vıdeokópir formaty arqyly áıelderge qatysty zorlyq-zombylyq máseleleri talqylanady.

Saǵat 15.00-de Onkologııalyq dıspanser men Qoǵamdyq densaýlyq saqtaý basqarmasy «JMO profılaktıkasy, skrınıng, adam papıllomasy vırýsyna qarsy vaktsınatsııa» taqyrybynda baspasóz-konferentsııany ótkizýdi josparlap otyr.

Saǵat 15.00-de «Han Shatyr» SOS ortalyǵynda Astana qalasy ákimdiginiń «Astana jastary» KMM «Jumyspen qamtý jáne áleýmettik baǵdarlama jol kartasyn» júzege asyrý aıasynda jergilikti atqarýshy organdary ókilderiniń qatysýymen jastarǵa konsýltatsııalyq kómek kórsetý boıynsha is-shara uıymdastyrady.

Saǵat 19.00-de «Astana Opera» teatrynyń Kameralyq zalynda «Vecher ý kamına» keshi ótedi.

ALMATY

Saǵat 11.00-de Dostyq úıinde Qazaqstan Respýblıkasynyń Memlekettik hatshysy G.N. Ábdihalyqova Memleket basshysynyń tapsyrmasy boıynsha mádenıet salasyndaǵy 2018 jylǵa arnalǵan Qazaqstan Respýblıkasy Tuńǵysh Prezıdenti - Elbasy memlekettik stıpendııalaryn tapsyrady.

Saǵat 15.00-de Qazaqstan Respýblıkasynyń Ulttyq kitaphanasynda Qazaqstan Respýblıkasynyń eńbek sińirgen qaıratkeri, «Qurmet» ordeniniń ıegeri, M.Maqataev atyndaǵy syılyqtyń eki dúrkin jeńimpazy, Aqyn-Aıtysshylar Halyqaralyq odaǵynyń Basqarma Tóraǵasy jáne Termas oryndaýshylary Júrsin Erman Moldashulynyń 5 tomdyq kitaptarynyń tusaýkeseri ótedi.

Saǵat 19.00-da «Meloman Grand» kitap dúkeninde Vladımır Proskýrınniń «G.A. Kolpakovskııdiń ómiri men taǵdyry» kitabynyń tusaýkeseri ótedi.

TÚRKІSTAN OBLYSY

Saǵat 15.30-da Túrkistan Medıa ortalyǵynda QR Memlekettik qyzmet isteri jáne sybaılas jemqorlyqqa qarsy is-qımyl Agenttiginiń «Sanaly urpaq» jobalyq keńsesiniń tóraǵasy Tokýshev Qaıyrjan Axmetbekuly Túrkistan oblysyna jumys sapary barysynda brıfıng beredi. Buǵan qosa, Departament basshysy Ǵalym Sultanuly Tursynbaev jyldyń qorytyndysymen brıfıng ótkizedi.

ShYMKENT

Saǵat 10.30-da Shymkent qalasy, Saıram turǵyn alaby, Orta Azııalyq medıtsına kolledjinde Respýblıkalyq qoǵamdyq qabyldaý bólmesiniń qyzmetkerleri Shymkentte kóshpeli qabyldaý ótkizedi. «Nur Otan» partııasy uıymdastyrýymen Qarataý aýdany, Saıram turǵyn alabynda da aýyl turǵyndaryn kóshpeli qabyldaý ótedi. Azamattardy «Nur Otan» partııasy Respýblıkalyq qoǵamdyq qabyldaý bólmesiniń meńgerýshisi Baqyt Ómirtaıqyzy Temirova, Shymkent qalalyq partııa fılıaly Tóraǵasynyń birinshi orynbasary Bahadyr Mádáliuly Narymbetov, Qarataý aýdany ákimi apparatynyń basshysy Azamat Buharbaıuly Parmanov, Qazaqstan Respýblıkasynyń Bank ombýdsmeny Erserik Dámenuly Sıırbaev qabyldaıdy. Qabyldaýǵa aldyn-ala 9 azamat jazylǵan. Olar qoǵamdyq kólik, kóshelerge jóndeý jumystary, jerge qujattardy rásimdeý, aýyz sý, jáne basqa da máseleler boıynsha aryzdanǵan.

Saǵat 15.00-de Shymkent qalasy, Rysqulov kóshesi №8"A" ornalasqan Front ofıs ǵımaratynda «7-20-25» turǵyn úı baǵdarlamasynyń mehanızmderin túsindirýge arnalǵan jármeńke jáne azamattardy kóshpeli qabyldaý ótedi.

Saǵat 16.00-de Shymkent qalasy Kásipker palatasynyń kásipkerlerdiń quqyqtaryn qorǵaý jáne sybaılas jemqorlyqqa qarsy is-qımyl jónindegi Keńestiń kezekti otyrysy ótedi. Keńeste jyljymaıtyn múlikke quqyqtardy tirkeý salasyndaǵy buzýshylyqtar, onyń ishinde, birneshe menshik ıeleriniń bir jer ýchaskesine qabattasý jáıitteri boıynsha daýly jaǵdaılary qaralady.

Saǵat 11.00-de Qazaqstan Respýblıkasy Tuńǵysh Prezıdenti - Elbasynyń Qory, Qazaqstannyń Іsker áıelder qaýymdastyǵy jáne «Habar» Agenttiginiń birlesken «Qaıyrymdylyq kerýeni» respýblıkalyq baıqaýy boıynsha baspasóz máslıhaty ótedi. Aıta keteıik, bes nomınatsııa boıynsha ótetin konkýrsqa BAQ ókilderi de qatysa alady.