25 fýtbolshy koronavırýs juqtyrdy: «Qaısar» basshylyǵy jańa málimet taratty

QYZYLORDA. QazAqparat - «Qaısar» basshylyǵy komandanyń 25 oıynshysy koronavırýs juqtyrdy degen aqparatqa qatysty jaýap berdi, dep habarlaıdy QazAqparat tilshisi.

«1 shildede fýtboldan el birinshiligi jalǵasady. Sondyqtan talapqa sáıkes «Qaısar» fýtbol klýby ótken sársenbide test tapsyrǵan bolatyn. Test nátıjesimen keıbir fýtbolshylardan oń nátıje anyqtaldy. Búgin komanda ekinshi márte qaıta synamadan ótti. Test nátıjesi barlyǵynda da teris nátıjeni kórsetti. Fýtbolshylardyń densaýlyǵy qalypty jaǵdaıda. Oıynshylar aldaǵy kezdesýge daıyndyǵyn júrgizýde», - dep málim etti «Qaısar» basshylyǵy.

Budan buryn «Qaısar» fýtbol klýbynyń bas jattyqtyrýshysy Stoıcho Mladenov komandanyń 25 oıynshysy koronavırýske shaldyqqany n aıtqan bolatyn.

Esterińizge sala ketelik, 1 shildede el birinshiligi jalǵasady. Bul týrda «Qaısar» óz alańynda «Taraz» komandasyn qabyldaıdy. Sondaı-aq, atalǵan týrda «Tobyl» men «Kaspıı», «Qyzyljar» men «Oqjetpes», «Qaırat» pen «Jetisý», «Ordabasy» men «Shahter» komandalary kezdesedi.