25 eldiń áýesqoı-sportshylary Almatydaǵy jartylaı marafonda júgirdi
ALMATY. QazAqparat – Búgin Almatyda halyqaralyq jartylaı marafon ótti, dep habarlaıdy QazAqparat.
Osymen ekinshi jyl uıymdastyrylǵan jelaıaqtar marafonyna 25 memleketten myńdaǵan adam qatysty.
Almaty qalalyq sport basqarmasynyń basshysy Rústem Baıseıitov pen «Almaty marafonynyń» negizin qalaýshy Ǵalymjan Esenov marafonshylarǵa sórede sáttilik tiledi.
Sportshylar júgirýdi QR Tuńǵysh Prezıdenti parkinen bastap, Ortalyq stadıonda márege jetti. Qatysýshylar 10 jáne 21 shaqyrymdy baǵyndyryp, nátıjesinde 5 myń áýesqoı sportshy máreni baǵyndyrdy.
«Marafon men trıatlonnyń tarıhy aınalasy eki kúnniń ishinde qaıta jazylǵandaı. Keshe Avstrııada (Vena) álemge áıgili jelaıaq Elıýd Kıpchoge 42,2 shaqyrym qashyqtyqty eki saǵatqa jetkizbeı baǵyndyryp, álem rekordshysy atandy. Búgin Olımpıada chempıony Aleksandr Vınokýrov Gavaıde ótken trıatlonnan álem chempıonatynda óz jas ereksheligi boıynsha jeńiske jetti. Almaty jartylaı marafonynyń qatysýshylary da úlgi tutarlyq erjúrek jáne kúsh jigerge ıe», - dedi «Almaty marafonynyń» dırektory Saltanat Qazybaeva.
