2,5%-ben 5 myń mıkrokredıt: 2025 jylǵy «Aýyl amanaty» baǵdarlamasyndaǵy ózgeris

ASTANA. KAZINFORM – Ulttyq ekonomıka mınıstrligi «Aýyl amanaty» baǵdarlamasyn iske asyrýdyń jańa modelin ázirlep jatyr. Ol aýyldy damytýda memlekettiń negizgi qoldaý quraly bolmaq.

Tujyrymdama sheńberinde ınjenerlik jáne áleýmettik ınfraqurylymdy qatar damyta otyryp, keleshegi zor aýyldardaǵy jobalardy iske asyrýǵa basa nazar aýdarylady.

Damý áleýeti joǵary eldi mekenderdiń tizbesi 2019 jyly anyqtalyp, ákimdikterdiń usynysymen 2023 jyly ózektendirildi.

Jobalardy oryndaý kezinde sý, jylý, gaz, elektrmen jabdyqtaý júıesi jańǵyrtylyp, qolaıly áleýmettik jaǵdaı jasalady.

— Baǵdarlama aýyldaǵy kásipkerlikti damytýdy kózdeıdi. Qoldaý tetiginiń ishinde 2,5%-ben shaǵyn nesıe men lızıng bar. Qazir mınıstrlik skrınıng arqyly eldi mekenderdiń mamandanýyn anyqtaý tásilin, erejelerdi jańartýda.Sonymen qatar, óńirlik erekshelikti eskere otyryp, mıkronesıe berý tizbesi keńeıtilýde. Aýmaqtardyń áleýmettik-ekonomıkalyq damýyndaǵy basty jańa qyzmet túrleri tanyldy. Máselen, Abaı men ShQO ákimdiginiń usynysy boıynsha tizimge shaǵyn bıznestiń perspektıvalyq salasy retinde týrızm engizildi, — delingen habarlamada.

Sondaı-aq aýyl turǵyndarynyń tabysyn arttyrý, shyǵyndardy qysqartý men logıstıkany damytý úshin shaǵyn ındýstrııalyq aımaqtar qurý kózdelgen. Olar ónimdi saqtaý, óńdeý men satý alańyna aınalyp, jergilikti jerlerde jańa jumys ornyn ashady.

Aıta ketelik «Aýyl amanaty» jáne «Aýyl — El besigi» jobalary biriktiriletini týraly jazǵan edik.