2,5 aıda ózbekstandyqtar 25 mln dollardyń gazyn zańsyz paıdalanǵan

TAShKENT. KAZINFORM – 2024 jyldyń 1 jeltoqsanynan bıyl 15 aqpanǵa deıin ózbekstandyqtar 133 mln tekshe metrden astam tabıǵı gazdy zańsyz paıdalanylǵan, dep habarlaıdy Kazinform agenttiginiń menshikti tilshisi.

«Ózenergoınspektsııanyń» aqparatyna sáıkes, qamtylyp otyrǵan aralyqta kógildir otyndy zańsyz paıdalanýdyń 167 faktisi anyqtalǵan. Onyń saldarynan 210,4 mlrd sým (shamamen $16,1 mln) zalal keldi.

Sonymen qatar, «Hýdýdgaztamınot» AQ ınspektorlary júrgizgen tekseris barasynda jalpy quny 117,3 mlrd sým ($9 mln) bolatyn gazdyń urlǵanǵany áshkere boldy.

- Esepti kezeńde 133,84 mln tekshe metr gaz zańsyz paıdalanylǵan. Mundaı kólemdegi kógildir otyn qys mezgilinde 266 myńnan astam úıdiń qajettiligin jabýǵa jáne avtogaz quıý stantsııalaryn 10 kún boıy úzdiksiz energoresýrspen qamtamasyz etýge jetetin edi, - dep málim etti «Ózenergoınspektsııadan».

Eske salaıyq, taıaýda Ózbekstanda elektr júıesine zańsyz qosylǵan maınıng ferma $138 myń shyǵyn keltirdi.

Byltyr gaz ben elektr energııasyn zańsyz paıdalanǵan ózbekstandyqtar memleketke $108 mln zalal keltirdi.

Sondaı-aq, taıaýda Qazaqstan men Ózbekstan shekarasynda jasyryn qubyr tartyp, sol arqyly janarmaı tasymaldaýmen aınalysqandar ustaldy.

Buǵan deıin habarlaǵanymyzdaı, Ózbekstanda $38,9 mlrd memlekettik organdardyń baqylaýynan tys qalyp otyr.