25 aqpanǵa arnalǵan aýa raıy boljamy
NUR-SULTAN. QazAqparat - Qazgıdromet 25 aqpanǵa arnalǵan aýa raıy boljamyn jarııalady, dep habarlaıdy QazAqparat.
25 aqpanda aýa raıynyń turaqsyz sıpaty saqtalady. Qar jaýyp jaıaý burqasyn bolady. Batysta jańbyr men qar túrinde jaýyn-shashyn jaýady jáne kóktaıǵaq qubylystary kútiledi. Elimizdiń ońtústiginde, ońtústik-batysynda jáne shyǵysynda antıtsıklon jotasynyń yqpalymen jaýyn-shashynsyz aýa raıy yqtımal. Respýblıka boıynsha keı jerlerde tuman túsedi.
Aqmola oblysynyń ońtústiginde, batysynda, soltústik-shyǵysynda jaıaý burqasyn kútiledi, kúndiz soltústiginde – kóktaıǵaq, batysynda, ońtústiginde – tuman, soltústik-batysynda, shyǵysynda jel 15-20 m/s jyldamdyqpen soǵady.
Soltústik Qazaqstan oblysynda túnde shyǵysynda, kúndiz oblysynyń ońtústiginde, shyǵysynda kóktaıǵaq, jaıaý burqasyn, oblystyń ońtústik-batysynda tuman, soltústikte, shyǵysta jel 15-20 m/s kúsheıedi.
Túnde Pavlodar oblysynyń soltústiginde jaıaý burqasyn, jel 18 m/s kúsheıedi, kúndiz kóktaıǵaq bolady. Qostanaı oblysynyń shyǵysynda jaıaý burqasyn kútiledi, jel 15 m/s kúsheıedi, oblystyń ońtústiginde tuman, kóktaıǵaq bolady.
Almaty oblysynyń Jalańashkól aýdanynda jel 15-20 m/s kúsheıedi. Aqtóbe oblysynyń soltústiginde, shyǵysynda tuman, kóktaıǵaq kútiledi. Túnde jáne tańerteń Jambyl oblysynyń soltústiginde, taýly aýdandarynda tuman bolýy yqtımal.
Batys Qazaqstan oblysynyń batysynda, soltústik-batysynda, shyǵysynda tuman, kóktaıǵaq bolady.
Atyraý oblysynyń soltústiginde, batysynda, ortalyǵynda, Mańǵystaý, Qyzylorda oblysynyń soltústiginde, Qaraǵandy oblysynyń soltústiginde, batysynda tuman kútiledi.
