25 aqpanda Respýblıkanyń basym bóliginde tuman túsedi
ASTANA. QazAqparat - Búgin atmosferalyq fronttardyń ótýine baılanysty Qazaqstannyń basym bóliginde aýa raıy qubylmaly bolady. Keı jerlerde qar jaýyp, jel kúsheıedi; burqasyn soǵyp, eldiń batysynda kóktaıǵaq bolady. Respýblıkanyń basym bóliginde tuman saqtalady.
Bul týraly QR ІІM TJK baspasóz qyzmeti habarlaıdy.
Almaty oblysynyń keı jerlerinde tuman túsip, týnde Jalańashkól aýdanynda jeldiń kúshi 18-23 m/s-ǵa jetedi.
Soltústik Qazaqstan, Shyǵys Qazaqstan oblystarynyń keı jerlerinde tuman bolady. Burqasyn soǵyp, jeldiń jyldamdyǵy 15-20 m/s-ǵa jetedi.
Jambyl, Ońtústik Qazaqstan oblystarynyń keı jerlerinde tuman, jeldiń jylldamdyǵy 15-20 m/s bolady.
Aqmola, Batys Qazaqstan, Qostanaı, Qaraǵandy oblystarynyń keı jerlerinde tuman, jaıaý burqasyn kútiledi.
Qyzylorda, Mańǵystaý, Atyraý, Aqtóbe, Pavlodar oblystarynyń keı jerlerinde tuman kútiledi, Atyraý oblysynda kóktaıǵaq kútiledi.
