25 aqpanda elordada ótetin mańyzdy sharalar ańdatpasy
NUR-SULTAN. QazAqparat – «QazAqparat» Halyqaralyq aqparat agenttigi 25 aqpan kúni elordada ótetin mańyzdy sharalar ańdatpasyn usynady.
9.00-de Kongress-ortalyqta Eýrazııalyq úkimetaralyq keńestiń kezekti otyrysy ótedi. Sharaǵa Armenııa, Belarýs, Qazaqstan, Qyrǵyzstan, Reseı úkimetteriniń basshylary men Eýrazııalyq ekonomıkalyq komıssııa alqasynyń tóraǵasy qatysady.
9.50-de Tótenshe jaǵdaılar departamentine Týdy tabys etý saltanatty rásimi ótedi. Sharaǵa Tótenshe jaǵdaılar mınıstri ıÝrıı Ilın, azamattyq qorǵaý organdarynyń ardagerleri, departament basshylyǵy men jeke quramy qatysady.
10.00-de Básekelestikti qorǵaý jáne damytý agenttigi 2021 jylǵy qyzmetiniń qorytyndylary boıynsha alqa otyrysy ótedi. Alqa otyrysy agenttiktiń Facebook-tegi @AntimonopolyAgencyKZ paraqshasynda tikeleı efırde ótedi.
10.00-de Ahmet Baıtursynulynyń 150 jyldyq mereıtoıyn merekeleýdiń saltanatty ashylý rásimi ótedi. Ashylý rásimi Qalamgerler alleıasynda (Abaı dańǵyly men Á. Sembınov kósheleriniń qıylysy) ornalasqan «Alash qaıratkerleri» eskertkishine gúlshoqtaryn qoıý rásiminen bastalady, saǵat 11.00-de Q. Qýanyshbaev atyndaǵy Memlekettik akademııalyq qazaq mýzykalyq-drama teatrynda ǵylymı-tájirıbelik konferentsııamen jalǵasady. Konferentsııaǵa QR Memlekettik hatshysy E. Qarın, Bilim jáne ǵylym mınıstri A. Aımaǵambetov, Nur-Sultan qalasynyń ákimi A. Kólginov jáne alys, jaqyn shet memleketterden ahmettanýshylar, alashtanýshylar, ádebıetshi ǵalymdar, tarıhshylar, zııaly qaýym ókilderi, depýtattar jáne t.b. laýazymdy tulǵalar qatysady.
11.00-de QR Prezıdenti janyndaǵy Ortalyq kommýnıkatsııalar qyzmetinde «2022 jylǵy kóktemgi áskerge shaqyrý naýqanyn uıymdastyrý» atty baspasóz máslıhaty ótedi. Spıker: QR Qarýly Kúshteri Bas shtaby uıymdastyrý-jumyldyrý jumystary departamentiniń bastyǵy Júsipov Sáken Saýytbaıuly. Kórsetilim siltemeleri: youtube, facebook.
14.30-de QR Prezıdenti janyndaǵy Ortalyq kommýnıkatsııalar qyzmetinde «Qazaqstanda jerdiń paıdalanýy men qorǵalýyna memlekettik baqylaýdy jetildirý máseleleri týraly» baspasóz máslıhaty ótedi. Spıkerler: QR AShM Jer resýrstaryn basqarý Komıtetiniń Tóraǵasy – Qazaqstan Respýblıkasynyń jerdi paıdalaný jáne qorǵaý jónindegi Bas memlekettik ınspektory Murat Temirjanov;QR AShM Jer resýrstaryn basqarý Komıteti Tóraǵasynyń orynbasary Gúljahan Bımendına;QR AShM Jer resýrstaryn basqarý Komıteti Tóraǵasynyń orynbasary Almas Alpamyshov.. Kórsetilim siltemeleri: youtube, facebook.
16.00-de Nur-Sultan qalasy máslıhatynda «Zoom» platformasynda bıýdjet, ekonomıka, ónerkásip jáne kásipkerlik máseleleri jónindegi Nur-Sultan qalasy máslıhatynyń turaqty komıssııasynyń otyrysy ótedi.Kún tártibinde: Astana ÁKK AQ qyzmetin iske asyrýǵa Nur-Sultan qalasynyń bıýdjetinen bólinetin aqshadaı qarajattyń tıimdi paıdalanylýy qaralady.
16.00-de QR Ulttyq mýzeıinde «Órkenıetter toǵysyndaǵy Qulan qalasy» atty kórmeniń ashylýy ótedi.
19.30-da Qazaq memlekettik sımfonııalyq orkestri «Qazaqstan» ortalyq kontsert zalynda «Kompozıtorlardyń portretteri» atty klassıkalyq kontsertti usynady.
19.30-da «NAZ» memlekettik bı teatrynda aımaqtyq Business Lady Qazaqstan baıqaýy ótedi.
