25 aqpanda aýa raıy qandaı bolady
NUR-SULTAN. QazAqparat - Sınoptıkter 25 aqpan kúni aýa raıy qandaı bolatynyn aıtty, dep habarlaıdy QazAqparat «Qazgıdromet» RMK baspasóz qyzmetine silteme jasap.
Qazaqstan terrıtorııasynyń basym bóligi joǵary qysym aýmaǵynda bolady, soǵan baılanysty kóbine jaýyn-shashynsyz aýa raıy kútiledi. Atmosferalyq fronttardyń áserinen respýblıkanyń batysy men soltústik batysynda jaýyn-shashyn (jańbyr, qar) jaýady. Respýblıkanyń keı jerlerinde tuman túsip, jel kúsheıedi, batysta - kóktaıǵaq, soltústik pen soltústik batysta - jaıaý burqasyn kútiledi.
Qostanaı oblysynyń keı jerlerinde tuman, kóktaıǵaq, túnde jaıaý burqasyn kútiledi, jeldiń kúshi 15-20 m/s jetedi.
Soltústik Qazaqstan oblysynyń keı jerlerinde tuman, jaıaý burqasyn kútiledi, túnde jel ekpini - 15-20 m/s.
Atyraý, Batys Qazaqstan, Aqtóbe oblystarynyń keı jerlerinde tuman, kóktaıǵaq kútiledi, kúndiz Atyraý, Batys Qazaqstan oblystarynda jel jyldamdyǵy 15-20 m/s deıin kúsheıedi.
Qyzylorda, Mańǵystaý oblystarynyń keı jerlerinde tuman kútiledi, kúndiz jel ekpini 15-20 m/s jetedi.
Almaty oblysynyń túnde keı jerlerinde tuman kútiledi, kúndiz Jalańashkól aýdanynda jel qarqyny 15-20 m/s bolady.
Aqmola, Jambyl, Pavlodar, Qaraǵandy, Shyǵys Qazaqstan, túnde Túrkistan oblystarynyń keı jerlerinde tuman túsedi.
