25 aqpan. Tulǵalar týǵan kún
Búgin, 25 aqpan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
75 jyl buryn (1951) Teatr jáne kıno ártisi, QR eńbek sińirgen ártisi Merýert Qarataıqyzy ÓTEKEShOVA dúnıege keldi.
Batys Qazaqstan oblysynda týǵan. Qurmanǵazy atyndaǵy Almaty memlekettik óner ınstıtýtynyń akterlik fakýltetin bitirgen. 1973 jyldan osy kezge deıin M.Áýezov atyndaǵy Qazaq memlekettik akademııalyq drama teatrynyń akrısasy. 1985 jyldan beri T.Júrgenov atyndaǵy ulttyq óner akademııasynda oqytýshy. «Ana — Jer-ana», «Móldir mahabbat», «Eski úımen qoshtasý», «Revızor», «Úlken ul», «Qaragóz» jáne basqa spektaklderde oınady. «Qyz Jibek», «Meniń aǵam», «Shoqan», «Mahambet», «Baqsy»» «Jylan jyly» fılmderine tústi. «Qurmet» ordenimen marapattalǵan, Máskeýde ótken Búkilodaqtyq jastar shyǵarmashylyǵy baıqaýynyń laýreaty, QazKSR jastar shyǵarmashyl jastar baıqaýynyń laýreaty. QR eńbek sińirgen ártisi.
70 jyl buryn (1956) QR Prezıdenti janyndaǵy Ulttyq ǵylym akademııasynyń vıtse-prezıdenti, fızıka-matematıka ǵylymynyń doktory, professor, Qazaqstan Respýblıkasy Ulttyq ǵylym akademııasynyń akademıgi Asqar Serqululy JUMADІLDAEV dúnıege keldi.
Qyzylorda oblysy Shıeli aýdanynda týǵan. M.Lomonosov atyndaǵy Máskeý memlekettik ýnıversıtetin jáne aspırantýrasyn bitirgen.
1980-1994 jyldary QR Ǵylym akademııasy Matematıka jáne mehanıka ınstıtýtynyń kishi, aǵa, bas ǵylymı qyzmetkeri, Matematıka ınstıtýty algebra zerthanasynyń meńgerýshisi, 1994-1995 jyldary QR Joǵarǵy Keńesi Ǵylym jónindegi daıarlaý komıtetiniń tóraǵasy boldy, 1995-2002 jyldary Germanııadaǵy Gambýrg, Mıýnhen, Bılefeld ýnıversıtetteriniń professory, Kembrıdj ýnıversıtetiniń janyndaǵy Nıýton ınstıtýtynda, A.Salam atyndaǵy Halyqaralyq teorııalyq fızıka ortalyǵynda, Shvetsııa koroldik ǴA-nyń Mıttag-Leffler atyndaǵy Matematıka ınstıtýtynda, Fılds atyndaǵy Matematıka ınstıtýtynda qyzmet atqaryp, dárister oqyǵan. Germanııanyń, AQSh-tyń memlekettik stıpendııalaryn, Shvetsııa koroldik Ǵylym akademııasynyń grantyn alǵan. 1995-2004 jyldary QR Ǵylym akademııasy Matematıka ınstıtýty algebra zerthanasynyń meńgerýshisi qyzmetin atqarǵan. Ǵalymnyń negizgi ǵylymı zertteý eńbekteri Lı algebrasynyń kogomologııa teorııasyna arnalǵan. Ol oń sıpattamaly Lı algebrasynyń kogomologııalary men deformatsııalaryn jáne olardyń qoldanýyn zerttegen. Vektorlyq óris algebrasynyń bólshektenbeıtin keńeıýin eseptegen. Assotsıatıvti emes algebranyń tepe-teńdikterin tapty. 50-den astam ǵylymı eńbektiń avtory. Ol HІІ saılanǵan Qazaq KSR Joǵarǵy Keńesiniń, QR Joǵarǵy Keńesiniń depýtaty bolǵan.
2023 jyldyń mamyr aıynan bastap qazirgi qyzmetinde.
63 jyl buryn (1963) Ál-Farabı atyndaǵy Qazaq ulttyq ýnıversıteti janyndaǵy Adam quqyǵyn qorǵaý ǵylymı-zertteý ınstıtýtynyń dırektory Ánýar Qurmanbaıuly TÚGEL ómirge keldi.
Jambyl oblysynyń Sharbaqty kentinde týǵan. Qazan memlekettik ýnıversıtetin bitirgen.
Eńbek joly: Lenın aýdandyq prokýratýrasynyń tergeýshisi, Frýnze qalalyq prokýratýrasynyń aǵa tergeýshisi qyzmetterin atqarǵan. 1991-1992 jyldary QR Bas prokýratýrasy basqarmasynyń prokýrory. 1992-1993 jyldary Almaty qalasynyń Alataý aýdany prokýrorynyń orynbasary. 1993-1995 jyldary QR Bas prokýrorynyń aǵa kómekshisi, Almaty qalasy Aqsaı aýdanynyń prokýrory, 1995-1998 jyldary QR Memlekettik tergeý komıtetiniń basqarma bastyǵy, QR Qaýipsizdik keńesiniń konsýltanty, Memlekettik tergeý komıtetiniń Almaty oblysy boıynsha departamenti bastyǵynyń orynbasary, Almaty oblysy boıynsha salyq polıtsııasy basqarmasy bastyǵynyń orynbasary. 1998-2000 jyldary «Qazaqstan temir joly» respýblıkalyq memlekettik kásiporny apparatynyń jetekshisi, 2000-2001 jyldary QR Prezıdenti Ákimshiliginiń sektor meńgerýshisi, 2001-2002 jyldary QR ádilet vıtse-mınıstri, 2002-2004 jyldary QR Parlamenti Májilisi apparatynyń jetekshisi qyzmetin atqardy. 2005 jyly QR Advokattar odaǵynyń prezıdenti, 2012-2018 jyldary Respýblıkalyq advokattar alqasynyń tóraǵasy bolyp saılandy.
2020 jyldyń sáýir aıynan bastap qazirgi qyzmetinde.
61 jyl buryn (1965) Abaı oblystyq sotynyń tóraǵasy Qaırat Muratuly ChAQPANTAEV dúnıege keldi.
Óskemen pedagogıkalyq ınstıtýtyn bitirgen, eńbekke oqytý jáne jalpy tehnıkalyq pánder muǵalimi (1990); Shyǵys Qazaqstan memlekettik ýnıversıtetin bitirgen, zańger (1996).
Eńbek joly: 1982-1983 jyldary «Oblagroprom» Samara ATP RAPO qurylys brıgadasynda kómekshi jumysshy, 1990-1991 jyldary Óskemen qalasyndaǵy mamandandyrylǵan jıhaz kásipornynda qurylysshylar brıgadıri, 1991-1992 jyldary Úlbi metallýrgııalyq zaýytynyń jóndeý-qurylys tsehynda beton aralastyrǵysh mashınısi, 1992-1996 jyldary Óskemen qalasyndaǵy mamandandyrylǵan jıhaz kásipornynyń Samara sharýashylyq ýchaskesi qurylysshylarynyń brıgadıri, 1996-1997 jyldary «Parasat» jaýapkershiligi shekteýli seriktestiginiń zań keńesshisi, 1997-1998 jyldary Samara oblysy prokýrorynyń kómekshisi, Shyǵys Qazaqstan oblysy Kókpekti aýdany prokýrorynyń kómekshisi, 1998-1999 jyldary Óskemen qalasy prokýrorynyń kómekshisi, 1999-2000 jyldary Shyǵys Qazaqstan oblystyq prokýratýrasynyń áleýmettik-ekonomıkalyq saladaǵy zańdylyqty qadaǵalaý bóliminiń prokýrory, 2000-2001 jyldary Shyǵys Qazaqstan oblystyq prokýratýrasynyń qylmystyq ister boıynsha sot sheshimderiniń zańdylyǵyn qadaǵalaý bóliminiń prokýrory, 2001-2002 jyldary Shyǵys Qazaqstan oblystyq prokýratýrasynyń sottarda qylmystyq isterdiń qaralý zańdylyǵyn qadaǵalaý bóliminiń prokýrory, 2002-2003 jyldary Shyǵys Qazaqstan oblysy Besqaraǵaı aýdany prokýrorynyń orynbasary, 2003-2004 jyldary Óskemen qalasynyń № 2 sotynyń sýdıasy, 2004-2005 jyldary Shyǵys Qazaqstan oblysynyń № 2 Kókpekti aýdandyq sotynyń sýdıasy, 2005-2009 jyldary Shyǵys Qazaqstan oblysynyń № 2 Kókpekti aýdandyq sotynyń tóraǵasy, 2009-2014 jyldary Óskemen qalasynyń № 2 sotynyń tóraǵasy, 2014-2015 jyldary Óskemen qalalyq sotynyń tóraǵasy, 2015-2022 jyldary Shyǵys Qazaqstan oblystyq sotynyń qylmystyq ister jónindegi sot alqasynyń tóraǵasy bolyp qyzmet atqarǵan.
2022 jyldyń qyrkúıek aıynan bastap qazirgi qyzmetinde.
44 jyl buryn (1982) Qazaqstan Respýblıkasy Saýda jáne ıntegratsııa mınıstrligi Tehnıkalyq retteý jáne metrologııa komıtetiniń Tóraǵasy Janna Rashıdqyzy ESENBEKOVA dúnıege keldi.
Qaraǵandy oblysynda týǵan. 2002 jyly E.A.Bóketov atyndaǵy Qaraǵandy memlekettik ýnıversıtetin «Quqyqtaný» mamandyǵy boıynsha aıaqtady.
Eńbek jolyn 2002 jyly Qaraǵandy oblysy Ádilet departamentiniń jetekshi mamany bolyp bastady. 2004-2005 jyldary Kólik jáne kommýnıkatsııa mınıstrligi Zań departamentiniń bas mamany, Qarjy mınıstrligi Qarjy basqarmasynyń bas mamany bolyp jumys jasady. 2005 jyly tehnıkalyq retteý jáne metrologııa salasyna kelip, Tehnıkalyq retteý jáne metrologııa komıteti Halyqaralyq yntymaqtastyq jáne quqyqtyq jumys jónindegi bóliminiń bas mamany, Memlekettik baqylaý monıtorıngi jáne taldaý basqarmasynyń basshysy, Іshki Ákimshilendirý basqarmasynyń basshysy qyzmetterin atqardy. 2017-2024 jyldary Tehnıkalyq retteý jáne metrologııa komıteti tóraǵasynyń orynbasary boldy.
Qazirgi laýazymyna 2024 jylǵy maýsym aıynda taǵaıyndaldy.
36 jyl buryn (1990) Qazaqstan Respýblıkasy Syrtqy ister mınıstrliginiń Erekshe tapsyrmalar jónindegi elshisi Zúlfııa Bolatqyzy SÚLEIMENOVA dúnıege keldi.
Aqtóbe qalasynda týǵan. L. N. Gýmılev atyndaǵy Eýrazııa ulttyq ýnıversıtetinde «Halyqaralyq qatynastar» mamandyǵy boıynsha bakalavrıat pen magıstratýrany bitirgen. «Qaýipsizdik jáne halyqaralyq zertteýler» baǵdarlamasy boıynsha Japonııanyń Ulttyq saıası zertteýler ınstıtýtynda PhD doktor dárejesin alǵan.
QR Ekologııa, geologııa jáne tabıǵı resýrstar mınıstrliginiń Klımattyq saıasat jáne jasyl tehnologııalar departamenti dırektorynyń orynbasary, Birikken Ulttar Uıymynyń (BUU) Azııa men Tynyq muhıtqa arnalǵan ekonomıkalyq jáne áleýmettik komıssııasynyń (Bangkok, Taıland) Qorshaǵan orta jáne damý, energetıka, sondaı-aq makroekonomıkalyq saıasat jáne damýdy qarjylandyrý jónindegi dıvızıondarynyń konsýltanty, Qazaqstan men Túrikmenstandaǵy BUU Damý baǵdarlamasynyń keńselerinde, QR Prezıdenti janyndaǵy Qazaqstannyń strategııalyq zertteýler ınstıtýtynyń (QSZI) ǵylymı qyzmetkeri, 2023-2025 jyldary QR Prezıdentiniń keńesshisi — Prezıdenttiń halyqaralyq ekologııalyq yntymaqtastyq jónindegi arnaýly ókili bolyp jumys istedi.
2025 jyldyń qarasha aıynan bastap qazirgi qyzmetinde.