25 adamǵa Ońtústik Qazaqstan oblysynyń «Qurmetti azamattary» ataǵy berildi

Kúngeıdiń «Qurmetti azamattary» dep tanylǵan azamattardyń qatarynda san salanyń ókilderi bar. QR Parlamenti Senatynyń depýtattary men mınıstrler, Uly Otan soǵysy jáne  eńbek ardagerleri, kúngeıden shyqqan kásipkerler  men elimizge tanymal mádenıet maıtalmandary, zań qyzmetkerlerin de osy tizimnen kezdestirýge bolady. Buqaralyq aqparat quraldarynyń ókilderi men halyq densaýlyǵyn jaqsartý salasynda aıanbaı eńbek etip júrgen azamattar da qurmetti degen ataqqa laıyq dep tanylǵan.  

Olar: Halyq Abdýllaev - «Atakent» AQ dırektorlar keńesiniń tóraǵasy, «Qurmet», «Parasat» ordenderiniń ıegeri, Tólebı aýdanynyń Qurmetti azamaty;

Qýanysh Aıtahanov - QR Parlamenti Senatynyń depýtaty, «Parasat», «Qurmet»ordenderiniń ıegeri;

Ómirzaq Aıtbaev - eńbek ardageri, «Qurmet», «Parasat» ordenderiniń ıegeri;

Orazkúl Asanǵazy - eńbek ardageri, «Qurmet» ordeniniń ıegeri, «Eńbektegi erligi úshin» medaliniń ıegeri;

Amanáli Abdramanov - eńbek ardageri, KSRO Memlekettik syılyǵynyń laýreaty, Shymkent qalasynyń «Qurmetti azamaty»;

Asanáli Áshimov - QR Halyq ártisi, Jambyl oblysynyń Qurmetti azamaty, 2003 jyly - «Qazaqy oqıǵa» fılmindegi roli úshin І «Sháken juldyzdary» kınofestıvaliniń laýreaty, Álemdik kınodaǵy zor úlesi úshin ıÝNESKO Halyqaralyq Akademııasynyń «Altyn qyran» ordenderiniń ıegeri.

Asqar Beısenbaev - QR Parlamenti Senatynyń depýtaty, «Qurmet», «Parasat» ordenderiniń ıegeri;

Tatıana Býrmıstrova - QR eńbek sińirgen mádenıet qaıratkeri;

Ábilqasym Dosbolov - «QazQus Batareıasy» Kompanııasynyń prezıdenti, OQO máslıhatynyń depýtaty, «Qurmet», «Parasat» ordenderiniń ıegeri;

Sháripbek Jamalbek - «Azamattyq Alıans» JShS tóraǵasy, OQO máslıhatynyń depýtaty, Báıdibek, Maqtaral aýdandarynyń «Qurmetti azamaty»;

Sáken Jasuzaqov - QR Qorǵanys mınıstri, ІІ dárejeli «Dańq» ordeniniń ıegeri;

Bolat Jylqyshıev - «Qazatomóndiris» Ulttyq atom kompanııasy AQ Basqarmasy tóraǵasynyń keńesshisi, ІІІ dárejeli «Barys» ordeniniń ıegeri;

Beısenbek Igisinuly - Uly Otan soǵysynyń ardageri, Báıdibek aýdanynyń «Qurmetti azamaty»;

Moldabaı Ilıasov - eńbek ardageri, «Eren eńbegi úshin» medaliniń ıegeri, Qazyǵurt aýdanynyń «Qurmetti azamaty»;

Ibrahım Imanov - OQO prokýrory, ІІ dárejeli «Dańq» ordeniniń ıegeri;

Dýlat Isabekov - «Mádenıet» jýrnalynyń bas redaktory, QR Memlekettik syılyǵynyń laýreaty;

Kópen Ámirbek - Respýblıkalyq syn-syqaq «Ara» jýrnalynyń bas redaktory, «Parasat» ordeniniń ıegeri;

Erejep Qanaev - «Oksı del» JShS vıtse-prezıdenti, «Qurmet» ordeniniń ıegeri;

Qýnaq Kársenbaı - eńbek ardageri, Qazaqstannyń Qurmetti qurylysshysy;

Jeńisbek Máýlenqulov - «Ardagerler uıymy» Respýblıkalyq qoǵamdyq birlestiginiń OQO fılıalynyń tóraǵasy, «Qurmet», «Parasat» ordenderiniń ıegeri;

Asqar Myrzahmetov - QR Premer-Mınıstriniń orynbasary - Aýyl sharýashylyǵy mınıstri, «Qurmet» ordeniniń ıegeri;

Shalataı Myrzahmetov - eńbek ardageri, «Qurmet» ordeniniń ıegeri, Otyrar, Sozaq aýdandarynyń Qurmetti azamaty;

Azat Satybaldıev - eńbek ardageri;

Derbisáli Seksenbaev - OQMFA hırýrgııalyq pánder kafedrasynyń professory, «Parasat» ordeniniń ıegeri;

Dosym Súleev - «Dos-Muqasan» ansambliniń negizin salýshy jáne alǵashqy basqarýshysy, «QR eńbek sińirgen qaıratkeri» ataǵynyń ıegeri.

Aınur Aqbaeva