25-27 maýsym aralyǵyndaǵy aýa raıy boljamy
NUR-SULTAN. QazAqparat – Sınoptıkter aldaǵy úsh kúnge arnalǵan aýa raıy boljamyn jarııalady, dep habarlaıdy QazAqparat «Qazgıdromet» RMK-ǵa silteme jasap.
«El aýmaǵynyń basym bóliginde aýa raıy qubylmaly bolady. Jańa Jer aımaǵynan keletin soltústik tsıklon respýblıkanyń soltústik-batysy, soltústik, sodan keıin ortalyq jáne ońtústik-shyǵysynyń keı jerlerine jaýyn alyp keledi. 26 maýsymda tsıklonnyń artynan Soltústik-Batys sýyq antıtsıklony yǵysady. Aýa temperatýrasy respýblıkanyń soltústik bóliginde túnde 2-7 gradýsqa deıin, keı jerlerde 10 gradýs jyly, kúndiz 12-17 gradýsqa deıin, keı jerlerde 20 gradýsqa deıin tómendeýi yqtımal. Sondaı-aq respýblıkanyń keı jerlerinde jel kúsheıip, daýyl bolyp, burshaq túsýi múmkin», - delingen «Qazgıdromet» habarlamasynda.
