240-tan astam oqýshy «InnovArt» festıvalinde óz jumystaryn usyndy
ASTANA. KAZINFORM — Oqý-aǵartý mınıstri Juldyz Súleımenova Astana qalasynda ótken NIS jelilik «InnovArt: Bolashaq óneri» art-festıvaline qatysty. Bul týraly vedomstvonyń baspasóz qyzmeti málim etti.
Shyǵarmashylyq alań elimizdiń ár óńirinen kelgen 240-tan astam oqýshyny biriktirdi. Qatysýshylar mıýzıkl, áleýmettik beınerolık, qummen sýret salý (Sand Art) jáne qolóner baǵyttary boıynsha óz jumystaryn usyndy.
Іs-shara barysynda jasandy ıntellekt pen tehnologııalar qarqyndy damyp jatqan kezeńde balalardyń shyǵarmashylyq áleýetin damytý erekshe mańyzǵa ıe ekeni atap ótildi. Búginde bilim berý júıesi sapaly bilim berýmen qatar, ár balanyń qabiletin ashýǵa, kreatıvti oılaýyn damytýǵa jáne ózin-ózi júzege asyrýyna jaǵdaı jasaýy qajet.
— Festıval aıasynda oqýshylar mýzykalyq-sahnalyq qoıylymdaryn, avtorlyq beınejobalaryn, qum anımatsııasy jumystaryn jáne ulttyq qolóner dástúrleri negizinde jasalǵan buıymdaryn tanystyrdy. Jas ónerpazdardyń jumystary mádenı qundylyqtardy, shyǵarmashylyq kózqarasty jáne jastardyń zamanaýı oı-pikirin kórsetti, — delingen habarlamada.
Festıval qorytyndysy boıynsha úzdik qatysýshylar men shyǵarmashylyq ujymdar túrli nomınatsııalar boıynsha marapattaldy.
Daryndy balalardy qoldaý jáne olardyń jan-jaqty damýyna jaǵdaı jasaý bilim berý salasyndaǵy memlekettik saıasattyń basym baǵyttarynyń biri bolyp qala beredi. Osyndaı jobalar oqýshylardyń qabiletterin ashýǵa, shyǵarmashylyq ıdeıalaryn júzege asyrýǵa jáne zamanaýı qoǵamda suranysqa ıe daǵdylardy qalyptastyrýǵa yqpal etedi.
Aıta keteıik, astanalyq 4 pedagog halyqaralyq hakaton jeńimpazy atandy.
