24 jeńiske qol jetkizgen qaraǵandylyq «Saryarqa» JHL chempıonatynda kósh bastap keledi
QARAǴANDY. 26 qańtar. QazAqparat - Qaraǵandylyq «Saryarqa» hokkeı klýby Joǵarǵy hokkeı lıgasy chempıonatynyń oıyndarynda 24-shi jeńisine qol jetkizip, kóshbasshy bolyp qalýda, dep habarlaıdy Qaraǵandy oblystyq týrızm, deneshynyqtyrý jáne sport basqarmasynyń baspasóz qyzmetinen.
Qaraǵandylyq «Saryarqa» hokkeı klýby 25 qańtar kúni «Qaraǵandy arena» muz saraıynda bolyp ótken Joǵarǵy hokkeı lıgasynyń turaqty chempıonatynda chelıabilik «Chelmetti» 4:3 esebimen jeńdi», - delinedi habarlamada.
Birinshi kezeńde qonaqtar 1:2 esebimen alǵa shyqty, alaıda qaraǵandylyqtar ekinshi kezeńde esepti teńestire aldy. Oıynnyń úshinshi kezeńinde eki komanda 3:3 esebimen teń túsip jatty. Chelıabilikterdiń qarsylyǵyn eńsere alyp, oıynnyń aıaqtalýyna 5 mınýt qalǵan kezde Denıs Kýzmın tórtinshi shaıbany soqty. Oıynnyń nátıjesi: 4:3, «Saryarqanyń» paıdasyna.
«Aǵymdaǵy maýsymda bul qaraǵandylyqtardyń 24-shi jeńisi. «Saryarqanyń» rekordtyq jeńister serııasy úzilgenine qaramastan, ol 2012-2013 jyldardaǵy JHL turaqty chempıonatynda kóshbasshy bolyp tabylady», - dep atap ótti oblystyq týrızm, deneshynyqtyrý jáne sport basqarmasynyń baspasóz qyzmetinen.
28 qańtarda «Saryarqa» HK óz alańynda Tómengi Tagıl qalasynan keletin «Spýtnık» komandasyn qabyldaıdy.
0:1 - Fılonov (Ismaılov, Kýznetsov) - 01:52.
0:2 - Panasenko (Ýtkın, Elızarov) - 15:28 (5x4).
1:2 - Kokýev (Kanarskıı, Perrı) - 17:54 (5x4).
2:2 - Kýzmın (Kokýev) - 36:48 (4x4).
2:3 - Ýtkın (Borodkın, Elızarov) - 41:14.
3:3 - Golovın (Kýzmın) - 43:24.
4:3 - Kýzmın (Kýdrıashov) - 55:55.
Qaqpashylar: Franskevıch - Danılıshın.
Aıyppul: 18 (4-10-4) - 18 (8-8-2).
