24 jeltoqsanda eldegi qaı joldar ashyq, qaısysy jabyq
ALMATY. KAZINFORM — «QazAvtoJol» ulttyq kompanııasy eldegi joldardyń qazirgi ahýaly týraly habarlady.
Ulttyq kompanııanyń dereginshe, 2025 jylǵy 24 jeltoqsanda saǵat 08:00–den bastap respýblıkalyq mańyzy bar kelesi avtojol ýchaskelerinde barlyq kólik túri úshin qozǵalys jandandy.
Batys Qazaqstan oblysy
• «Aqtóbe — Oral — RF shekarasy» avtojolynyń 393-526-shaqyrym aralyǵy (Jympıty aýyly — Aqtóbe oblysynyń shekarasy).
Aqtóbe oblysy
• «Aqtóbe — Oral — RF shekarasy» avtojolynyń 526-702-shaqyrym aralyǵy (Batys Qazaqstan oblysynyń shekarasy — Marjanbulaq aýyly).
Jyldamdyq shekteýi
2025 jylǵy 23 jeltoqsanda saǵat 14:00–den bastap Aqmola oblysynda aýa raıynyń nasharlaýyna baılanysty respýblıkalyq mańyzy bar KAZ02 «Astana — Kókshetaý (aınalma jol) — Petropavl — RF shekarasy (Jańa jol ótkizý pýnkti)» avtojolynyń 18–232-shaqyrym aralyǵynda (Astana qalasy — Şýchınsk qalasy) barlyq kólik túri úshin jyldamdyq 110 shaqsaǵ-tan 80 shaq/saǵ-qa deıin tómendetildi.
Sondaı-aq tirkemesi bar jáne jartylaı tirkemeli júk kólikteriniń qozǵalysy Osınov asýynda ýaqytsha shekteldi. Shekteý «Óskemen — Altaı — Katonqaraǵaı — Rahman qaınary» avtojolynyń 46-66-shaqyrymyndaǵy (Severnoe aýyly — Serebrıansk qalasy) ýchaskesinde qys aıaqtalǵansha saqtalady.
Jabyq joldar
2025 jylǵy 24 jeltoqsanda saǵat 06:00–de aýa raıynyń qolaısyzdyǵyna baılanysty Qyzylorda oblysyndaǵy «RF shekarasy — Mártók — Aqtóbe — Qarabutaq — Qyzylorda — Shymkent — Taraz — Qordaı — Almaty — Qorǵas — QHR shekarasy» avtojolynyń 1522-1806-shaqyrym aralyǵynda (№ 99 stantsııa — Qyzylorda qalasy) barlyq kólik túri úshin qozǵalysqa shekteý engizildi.
Jol shamamen 2025 jylǵy 24 jeltoqsan saǵat 12:00–de ashylady.
Jetisý oblysynda aýa raıynyń nasharlaýyna baılanysty KAZ 19-02 «Úsharal — Dostyq» avtojolynyń 84-164-shaqyrym aralyǵynda (Kóktuma aýyly — Dostyq stantsııasy) barlyq kólik túri úshin qozǵalys shekteldi.
Pavlodar oblysynda «Astana — Shiderti — Pavlodar — Ýspenka — RF shekarasy» avtojolyndaǵy jolaıryqtyń kópir qurylymynyń shetki arqalyqtary zaqymdanýyna baılanysty «Qalqaman» jolaıryǵy ýchaskesi jabyldy. Atap aıtqanda, Qalqaman kentine kireberis pen Astana baǵytyna shyǵatyn jol ýaqytsha jabyq.
Eske salaıyq, buǵan deıin 24 jeltoqsanda Qazaqstannyń basym bóliginde boran soǵyp, kóktaıǵaq bolatynyn habarlaǵanbyz.