24 jeltoqsanda Astanada Prezıdent shyrshasy ótedi

ASTANA. QazAqparat - Jańa jyl qarsańynda Astana turǵyndary men qonaqtary úshin qyzyqty mádenı baǵdarlamalar uıymdastyrylady. Balalarǵa arnalǵan basty jańajyldyq erteńgilik - Qazaqstan Respýblıkasy Prezıdentiniń «Máńgilik Eldiń qasıetti qundylyqtary» atty shyrshasy 24 jeltoqsanda Oqýshylar saraıynda ótedi, dep habarlaıdy elorda ákimdiginiń baspasóz qyzmetinen.

Elordalyq balalar men oqýshylar úshin sonymen qatar jańa jyldyq qoıylymdar men erteńgilikter de ótkiziledi. Astana qalasy ákiminiń jetim jáne daryndy balalarǵa arnalǵan shyrshasy 25 jeltoqsanda Oqýshylar saraıynda uıymdastyrylady. 20 jeltoqsan-30 qańtar aralyǵynda elordalyq tsırkte «Qısyq aınalar patshalyǵy» atty jańajyldyq baǵdarlamasy, al 20 jeltoqsan men 4 qańtar aralyǵynda M.Gorkıı atyndaǵy memlekettik akademııalyq orys drama teatrynda «Alqyzyl gúl» ertegisi boıynsha qoıylym kópshiliktiń nazaryna usynylady. 29 jeltoqsanda elordalyqtar «Kongress-hollda» «Jańa jyl dýman» kontsertin tamashalaıdy. Oǵan Astana qalasy memlekettik fılarmonııasynyń klassıkalyq jáne estradalyq vokal bólimsheleri, «Shalqyma» halyqtyq bıi ansambli qatysady. 27,28 jáne 31 jeltoqsanda «Astana Opera» Memlekettik opera jáne balet teatrynda Petr Chaıkovskııdiń «Shattaýyq» baleti qoıylady. Astana turǵyndary men qonaqtaryna arnalǵan jańajyldyq kontsert qalalyq alańda 31 jeltoqsanda saǵat 21.00-de bastalady. Merekelik otshashý Esil ózeniniń jaǵasynda 2014 jylǵy 31 jeltoqsannan 2015 jyldyń 1 qańtaryna qaraǵan túni bolady.