24 jeltoqsan kúni Nur-Sultanda ótetin mańyzdy sharalar ańdatpasy

NUR-SULTAN

10.00-de QR Parlamenti Senatynyń kezekti otyrysy bolady. Senat otyrysy palatanyń www.parlam.kz saıtynda onlaın rejımde kórsetiledi.

11.00-de «Jolaýshylar tasymaly» AQ bas dırektory P. Shtýrm kompanııanyń 2020 jylǵy qyzmetiniń qorytyndylary men aldaǵy jyldyń josparlary jóninde onlaın baspasóz konferentsııasyn ótkizedi.

15.00-de Astana Hub alańynda mektep oqýshylaryna arnalǵan alǵashqy «Ozgeris powered by Halyk Fund» onlaın bıznes-ınkýbatordyń tanystyrylymy ótedi.

15.00-de elorda máslıhatynyń Facebook-akkaýntynda «Nur-Sultan qalasynda áleýmettik osal toptardy (az qamtylǵan otbasylar, múgedekter, kópbalaly otbasylar, jetim balalar jáne basqalar) qoldaý jáne ońaltý sharalary týraly» qoǵamdyq tyńdaý ótedi.

16.00-de QR Prezıdenti janyndaǵy Memlekettik basqarý akademııasynda QR Sybaılas jemqorlyqqa qarsy is-qımyl agenttiginiń tóraǵasy Alık Shpekbaevtyń, QR Memlekettik qyzmet isteri agenttiginiń tóraǵasy Anar Jaıylǵanovanyń, QR Prezıdenti janyndaǵy Memlekettik basqarý akademııasynyń rektory Erlan Ábildiń, Polymedia jáne ERG kompanııalarynyń ókilderiniń qatysýymen tsıfrlyq kovorkıng ortalyǵy ashylady.

16.30-da QR Prezıdenti janyndaǵy Ortalyq kommýnıkatsııalar qyzmetinde QR Bilim jáne ǵylym mınıstri Ashat Aımaǵambetov Memleket basshysynyń Qazaqstan halqyna Joldaýynda bergen tapsyrmalarynyń oryndalý barysy týraly baspasóz máslıhatyn ótkizedi. Kórsetilim siltemeleri: https://www.youtube.com/user/ortcomkz, https://ru-ru.facebook.com/ortcomkz.