24 jeltoqsan kúni Qazaqstanda ótetin mańyzdy sharalarǵa sholý
ASTANA. QazAqparat - «QazAqparat» halyqaralyq aqparat agenttigi 24 jeltoqsan kúni Qazaqstanda ótetin mańyzdy sharalar sholýyn usynady.
ASTANA
10.00-de Májiliste «Jyljymaıtyn múlikke quqyqtardy memlekettik tirkeý» taqyrybynda Úkimet saǵaty ótedi.
11.00-de Ortalyq saılaý komıssııasynyń tóraǵasy Berik Imashev QR Joǵarǵy oqý oryndary qaýymdastyǵynyń jáne ulttyq ýnıversıtetterdiń basshylarymen kezdesip, ózara yntymaqtastyq týraly qujattarǵa qol qoıady.
12.20-da Ortalyq kommýnıkatsııalar qyzmetinde mereke kúnderi ýlanýdyń aldyn alý men álemdegi epıdemıologııalyq jaǵdaıǵa arnalǵan baspasóz máslıhaty ótedi.
15.00-de Senatta QR Prezıdentiniń «Qazaqstandyqtardyń ál-aýqatynyń ósýi: tabys pen turmys sapasyn arttyrý» jáne «Tórtinshi óndiristik revolıýtsııa jaǵdaıyndaǵy damýdyń jańa múmkindikteri» Joldaýlarynda aıtylǵan tapsyrmalar aıasynda kásibı bilim berý sapasyn zańnamamen qamtamasyz etýdiń ózekti máseleleri» taqyrybynda dóńgelek ústel otyrysy ótedi.
15.00-de Senatta Qarjy jáne bıýdjet komıteti tómendegi Zań jobalaryn talqylaıdy: «Qazaqstan Respýblıkasynyń Úkimeti men Horvatııa Respýblıkasynyń Úkimeti arasyndaǵy Qosarlanǵan salyq salýdy boldyrmaý jáne tabys salyǵyna qatysty salyqtan jaltarýdy boldyrmaý jáne oǵan Hattamany ratıfıkatsııalaý týraly», «Qazaqstan Respýblıkasynyń Úkimeti men Qytaı Halyq Respýblıkasynyń Úkimeti arasyndaǵy Qazaqstan Respýblıkasyna tikeleı ınvestıtsııalardy júzege asyratyn Qytaı-Qazaqstan óndiristik qýattarynyń yntymaqtastyǵy qory kirisiniń jekelegen túrlerin salyq salýdan bosatý týraly kelisimdi ratıfıkatsııalaý týraly».
15.00-de Abaı dańǵyly, 80 mekenjaıynda ornalasqan Halyqqa qyzmet kórsetý ortalyǵynda «Tilekter shyrshasy» atty balalarǵa arnalǵan jańajyldyq mereke ótedi.
ALMATY
11.00-de Pedıatrııa jáne balalar hırýrgııasy ǵylymı ortalyǵynda respıratorlyq patologııasy bar naýqastardy nebýlaızerlik emdeýge arnalǵan Qazaqstandaǵy alǵashqy keńsesiniń ashylýyna arnalǵan baspasóz máslıhaty ótedi.
18.30-da Almaty halyqaralyq áýejaıy «Oral avıajelileri» kompanııasynyń alǵashqy reısin qabyldaıdy.
TÚRKІSTAN
19.00-de Túrkistan qalasyndaǵy «Esim han» alańynda oblystyń bas shyrshasynyń shamdary jaǵylady.
12.00-de Ákimshilik-iskerlik ortalyqta jańa turǵyn úı alabynyń irgetasy qalanady (Otyrar móltekaýdanynyń mańy).
11:00-de QR Prezıdenti atynan «Jarqyra. Jaına. Jańa jyl!» atty balǵyndarǵa arnalǵan jańajyldyq shyrsha merekesi ótedi. Ótetin orny: «Versal» saltanat saraıy
