24 jastaǵy qazaqstandyq Shveıtsarııa ýnıversıtetinde sabaq berip júr
ASTANA. QazAqparat - 24 jastaǵy Almatylyq stýdent Aleksandr Nıgaı Shveıtsarııadaǵy Tsıýrıh ýnıversıtetiniń oqytýshysy bolyp jumys jasaıdy, dep habarlaıdy «QazAqparat» HAA tilshisi.
«Men doktorantýrada oqyp jatyrmyn, biraq men osy ýnıversıtettiń qyzmetkerimin. Qazirgi kezde ýnıversıtette ınformatıka páni boıynsha stýdentterge shamamen aptasyna úsh saǵat praktıkalyq sabaq beremin, olar maǵan ol úshin aqy tóleıdi. Bul degenińiz men tegin bilim alyp jatyrmyn degen sóz»,- deıdi Aleksandr Nıgaı.
Aleksandrdyń sózine qaraǵanda, ol sýperkompıýterlik esepteýish zerthanasynda qyzmet etedi. Ol óziniń áriptesterimen birge sýperkompıýterdi barynsha yńǵaıly jáne tıimdi paıdalaný baǵyttarynda jumystar jasaýda eken.
«Meni kópten beri sýperkompıýter, olardy paıdalaný salasy qyzyqtyryp júr. Biz jumys jasaıtyn ortalyq sýperkompıýterlerdi zertteýmen aınalysatyn Eýropadaǵy jalǵyz zerthana bolyp tabylady. Onyń múmkindikteri zor. Máselen, aýa-raıyn zamanaýı boljaý dál osy sýperkompıýterlerdiń kómegimen júrgiziledi», - deıdi doktorant sóz arasynda.
Aleksandr atalǵan ýnıversıtette alty jylǵa deıin jumys jasaı alady. Osy kezeń ishinde ol doktorlyq dıssertatsııasyn qorǵaýy tıis. «Men kásibı turǵydan daıyn bolǵan kezde ǵana dıssertatsııany qorǵaýǵa ótinish beremin. Al ázirge tájirıbe jınap jatyrmyn. Bul jerde eshkim eshkimdi asyqtyrmaıdy»,- deıdi.
«Jalpy Tsıýrıhte ómir súrý qymbatqa túsedi, sáıkesinshe jalaqy da joǵary. Jalpy qalany men Almatyǵyǵa óte uqsatamyn, ásirese aýa raıy sáıkes keledi. Men turatyn úıdiń qasynda mamyrgúl ósedi, ol maǵan Almatyny eske salady»,- deıdi Aleksandr.
Álemniń úzdik ýnıversıtterdiń birinde bilimin ushtap júrgen stýdent shetelde qalyp qoıýdy maqsat etip otyrǵan joq. Eger oǵan qazaqstandyq kompanııalar tarapynan usynystar tússe, ol elge oralýǵa daıyn.
«Men bolashaqta shetelde turǵym kelmeıdi. Árıne, men osy ómir saltyna úırenip qaldym. Bul meniń osynda túpkilikti qalyp qoıýymdy bildirmeıdi. Men osy jerge kelgenge deıin bir jyl Edınbýrgte oqydym. Báribir men ózimdi úıdegideı jaıly sezine almadym»,- deıdi.
Aıta keteıik, Tsıýrıh ýnıversıtetinde 19 800 stýdent, onyń ishinde 4 myń doktorant bilim alýda. Onda 500 professor jumys jasaıdy,
