24 jastaǵy boıjetken tórt kúnnen beri tabylmaı jatyr - Qostanaı
QOSTANAI. QazAqparat - Qostanaı oblysynda 24 jastaǵy boıjetken joǵalyp ketti, dep habarlaıdy QazAqparat tilshisi.
Qostanaı qalasy polıtsııa basqarmasynyń ońtústik bóliminiń qyzmetkerleri iz-tússiz joǵalǵan qala turǵyny Trıtenkova Aleksandra Andreevnaǵa izdeý salady. Ol 1994 jyly týǵan. 2019 jyldyń 1 qańtarynda saǵat 10.00 shamasynda úıden shyǵyp ketip, sol kúıi oralmaǵan.
Polıtsııa departamenti boıjetkenge qatysty málimetterdi jarııalady: Boıy - 155-160 sm, aryq deneli. Ústine jalbaǵaıly qara kýrtka, aıaǵyna qara tústi uzyn qonyshty aıaq kıim kıgen. Polıtsııa boıjetkendi kórgen-bilgen jandardan 8-702-492-99-92, 8-747-655-21-63, 52-68-61, 52-68-50 nemese 102 nómirlerine habarlasýyn surap otyr.
