24 jastaǵy almatylyq jigit jumbaq jaǵdaıda joǵalyp ketti
ALMATY. QazAqparat - Almatyda 24 jastaǵy jigit jumbaq jaǵdaıda joǵalyp ketti, dep habarlaıdy QazAqparat tilshisi.
«Rýslan Karapetıan sońǵy ret 25 naýryz kúni keshki 7 shamasynda «Saıahat» avtobeketi mańynda bolǵan. Jaqyndary barlyq tanystaryn aralap, surastyryp shyqty. Olardyń eshqaısysy Rýslandy kórmegen. Er adamnyń ústinde kók kúrteshe, kók djınsy shalbar bolǵan. Uıaly telefony óshirýli. Sodan beri odan habar joq», - dedi «Qoǵamdyq qaýipsizdikti qamtamasyz etý qyzmeti» qoǵamdyq uıymynyń eriktisi Islam Ýgýshev.
Rýslannyń úıinde áıeli men 6 aılyq balasy qaldy.
Qazir izdeý jumystaryna polıtsııa qyzmetkerleri qosyldy.
