24 tamyzda elimizdiń basym bóliginde kún buzylady
ASTANA. QazAqparat - Elimizdiń soltústigi, ortalyǵy men shyǵysyna tsıklon jáne sonymen baılanysty atmosferalyq tutas bulttar áser etip, saldarynan jaýyn-shashyn bolady. Kún kúrkirep, kúshti jel soǵady, soltústikte burshaq jaýýy múmkin. Qazaqstannyń batysynda, ońtústigi men ońtústik-shyǵysynda kún ashyq bolady, dep habarlaıdy QazAqparat Qazgıdrometke silteme jasap.
Aqmola jáne Qaraǵandy oblystarynyń keı jerlerinde jel kúsheıip, ekpini 15-20 m/s bolady. Kúndiz burshaq jaýýy yqtımal.
Qostanaı oblysynda túnde jáne kúndiz qatty jel turady. Jeldiń qarqyny sekýndyna 15-20 metrge deıin jetedi.
Soltústik Qazaqstan oblysynyń aýmaǵynda túnde jáne tańerteń tuman túsip, kúndiz jel 15-20 m/s deıin kúsheıedi. Burshaq kútiledi.
Aqtóbe, Pavlodar oblystarynda jáne kúndiz Jambyl oblysynyń keı aımaqtarynda ekpini 15-20 m/s bolatyn qatty jel turady.
Qyzylorda oblysynyń keı jerlerinde de kúndiz jel kúsheıip, 15-20 m/s quraıdy. Shańdy daýyl turady.
Qyzylorda, Jambyl, Túrkistan, sondaı-aq Aqtóbe, Atyraý, Mańǵystaý, Batys Qazaqstan jáne Qaraǵandy oblystarynyń keı aımaqtarynda tótenshe órt qaýpi saqtalady.
