24 tamyz kúni elordada ótetin mańyzdy sharalar ańdatpasy

ASTANA. QazAqparat – «QazAqparat» halyqaralyq aqparat agenttigi 24 tamyz kúni Astanada ótetin mádenı jáne qoǵamdyq mańyzdy sharalar ańdatpasyn usynady.

9.00-de Mahambet Ótemisov atyndaǵy oqýshylar saraıynda «Nazarbaev zııatkerlik mektepteri» DBBU Pedagogıkalyq sheberlik ortalyǵy uıymdastyrǵan «Jas ustaz: tabysqa aparar jol» Respýblıkalyq jas pedagogtar forýmy ótedi.

11.00-de Dostyq úıinde Qazaqstan halqy assambleıasy tóraǵasynyń orynbasary, kásipker, metsenat Akbarjan Ismaılov áleýmettik qoldaýǵa muqtaj kópbalaly otbasynyń elordalyq 100 balaǵa óz qarajaty esebinen 6 000 000 teńge kómegin tabystaıdy.

11.00-de National Press Club-ta «Qaıtys bolǵan mektep oqýshysy Adel Aqanovanyń anasy qyzynyń qaıtys bolý jaǵdaılarynyń jańadan tergelýin talap etedi» taqyrybynda baspasóz konferentsııasy ótedi.

12.00-de elordalyq Dostyq úıinde Astana qalasy Qazaqstan halqy assambleıasynyń uıymdastyrýymen «Mektepke jol» qaıyrymdylyq aktsııasy ótedi.

12.00-de QR Prezıdenti janyndaǵy ortalyq kommýnıkatsııalar qyzmetinde «Qazaqstandaǵy kóshi-qon protsesteri týraly» baspasóz máslıhaty ótedi.

Spıker: QR Eńbek jáne halyqty áleýmettik qorǵaý mınıstrligi kóshi-qon komıtetiniń tóraǵasy Asqarbek Ertaev.

Kórsetilim siltemeleri: youtube, facebook.

14.30-da Nazarbaev ýnıversıtetinde tuńǵysh ret Joǵary bilim jáne ǵylym forýmy ótedi. Forýmnyń taqyryby eldiń ekonomıkalyq ósýiniń negizi retinde adamı kapıtaldy damytýǵa arnalady.

14.30-da «Jastar» saraıynda Astana qalasy ákimdiginiń Eńbek mobıldiligi ortalyǵy «Bos jumys oryndary jármeńkesin» uıymdastyrady.