24 tamyz. Tulǵalar týǵan kún
Búgin, 24 tamyz kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
61 jyl buryn (1964) Jambyl oblystyq sotynyń qylmystyq ister jónindegi sot alqasynyń tóraǵasy Nurmuhammat Mahammatuly ÁBIDOV dúnıege keldi.
Jambyl qalasynda (qazirgi Taraz qalasy) týǵan. S. Kırov atyndaǵy Qazaq memlekettik ýnıversıtetin bitirgen, quqyqtaný (1989).
Eńbek joly: Jambyl qalasyndaǵy teri kombınatynyń jumysshysy (1981-1982); Jambyl oblysy prokýratýrasynda ártúrli laýazymdardy atqardy (1989-1996); Jambyl oblystyq sotynyń sýdıasy (1996-2009); Taraz qalalyq № 2 sotynyń tóraǵasy (2009); Jambyl oblysynyń qylmystyq ister jónindegi mamandandyrylǵan aýdanaralyq sotynyń tóraǵasy.
2021 jyldyń mamyr aıynan bastap qazirgi qyzmetinde.
60 jyl buryn (1965) Qostanaı oblysynyń ákimi Qumar Irgebaıuly AQSAQALOV dúnıege keldi.
Ol 1987 jyly V. P. Gorıachkın atyndaǵy Máskeý aýyl sharýashylyǵy óndirisiniń ınjenerleri ınstıtýtyn ınjener-mehanık mamandyǵy boıynsha támamdaǵan. Ekonomıka ǵylymdarynyń kandıdaty.
Eńbek joly: 1987-1989 jyldary Qostanaı oblysy Ýrıtskıı aýdany «Krylovskıı» keńsharynyń bas ınjeneri boldy. 1989-1991 jyldary Qazaqstannyń LKJO-nyń Qostanaı oblysy Ýrıtskıı aýdandyq komıtetiniń birinshi hatshysy. 1991-1992 jyldary Qostanaı oblysy Ýrıtskıı aýdany «Maıak» keńsharynyń bas ınjeneri. 1992-1993 jyldary Qostanaı oblysy Qostanaı aýdany «Novoselovka» memlekettik shaǵyn kásipornynyń dırektory. 1993-1996 jyldary Qostanaı oblysy Qostanaı aýdany «Qostanaı» ǵylymı-óndiristik birlestigi dırektorynyń orynbasary. 1996-1998 jyldary Qostanaı oblysy Meńdiqara aýdanynyń «Sever» ujymsharynyń tóraǵasy, «Sever» AAQ prezıdenti. 1998-2002 jyldary Qostanaı oblysy Meńdiqara aýdanynyń ákimi. 2002-2004 jyldary Qostanaı oblysy Taran aýdanynyń ákimi. 2004-2006 jyldary Qazaqstan Respýblıkasy Prezıdenti Ákimshiliginiń Memlekettik baqylaý jáne uıymdastyrý jumysy bóliminiń memlekettik ınspektory. 2006-2010 jyldary Jambyl oblysy ákiminiń orynbasary. 2010-2015 jyldary «Nur Otan» partııasy Ortalyq apparatynyń basshysy, «Nur Otan» partııasynyń hatshysy. 2015-2017 jyldary Qazaqstan Respýblıkasy Prezıdenti Ákimshiligi Basshysynyń orynbasary. 2017–2022 jyldary Soltústik Qazaqstan oblysynyń ákimi.
2022 jyldyń jeltoqsan aıynan bastap qazirgi qyzmetinde.
«Qurmet» ordenimen marapattalǵan (2011 j).
57 jyl buryn (1968) Qazaqstan Respýblıkasynyń Soltústik Makedonııadaǵy Tótenshe jáne Ókiletti Elshisi Satybaldy Eresuly BURShAQOV dúnıege keldi.
1993 jyly Almaty pedagogıkalyq shet tilder ınstıtýtyn bitirgen. Pákistan Islam Respýblıkasynda Sheteldik qyzmet akademııasynda (1994) jáne Nıderlandy Koroldiginde «Klıngendal» Halyqaralyq qatynastar ınstıtýtynda (1995) taǵylymdamadan ótken.
Eńbek jolyn 1993 jyly Qazaq memlekettik halyqaralyq qatynastar jáne álemdik tilder ýnıversıtetiniń oqytýshysy bolyp bastaǵan. 1993-1995 jyldary Qazaqstan Respýblıkasynyń syrtqy ister mınıstrliginiń Eýropa elderi basqarmasynyń attashesi, referent.1995-2000 jyldary Vengrııa Respýblıkasyndaǵy Qazaqstan Respýblıkasy Elshiliginde attashe, úshinshi, ekinshi hatshy. 2000-2002 jyldary Qazaqstan Respýblıkasynyń syrtqy ister mınıstrliginiń ekijaqty yntymaqtastyq departamentiniń birinshi hatshysy, keńesshisi, Eýropa jáne Amerıka departamentinde bólim bastyǵy. 2002-2007 jyldary Qazaqstan Respýblıkasynyń Belgııa Koroldigindegi Elshiliginiń keńesshisi, birinshi hatshysy. 2007-2011 jyldary Qazaqstan Respýblıkasy Parlament Senaty Apparatynyń parlamentaralyq baılanystar jáne halyqaralyq yntymaqtastyq bólimi meńgerýshisiniń orynbasary, meńgerýshisi. 2011-2012 jyldary — Qazaqstan Respýblıkasy Parlament Májilisi Apparatynyń halyqaralyq baılanystar jáne hattama bóliminiń meńgerýshisi. 2012-2017 jyldary ıÝNESKO janyndaǵy Qazaqstan Respýblıkasynyń Turaqty ókiliniń orynbasary (Frantsııa). 2018-2019 jyldary QR syrtqy ister mınıstrliginiń halyqaralyq aqparat komıteti tóraǵasynyń orynbasary. 2019 jyldyń naýryz-qyrkúıek aralyǵynda Qazaqstan Respýblıkasynyń Prezıdent Ákimshiliginiń Syrtqy saıasat ortalyǵynyń basshysy, Syrtqy saıasat jáne halyqaralyq baılanys bóliminiń meńgerýshisi qyzmetin atqardy.
2024 jyldyń naýryz aıynan bastap qazirgi qyzmetinde.
«Qazaqstan Respýblıkasynyń dıplomatııalyq qyzmetine 25 jyl» mereıtoılyq medalimen, Qazaqstan Respýblıkasynyń Qurmet gramotasymen marapattalǵan. Qazaqstan Respýblıkasy Prezıdentiniń Alǵys hatyn alǵan.
57 jyl buryn (1968) Temirtaý qalasynyń ákimi Ǵalym Ábihanuly AShIMOV dúnıege keldi.
Qaraǵandy oblysy, Qarajal qalasynda dúnıege kelgen. O. A. Baıqońyrov atyndaǵy Jezqazǵan ýnıversıtetin ekonomıst mamandyǵy boıynsha, Qaraǵandy memlekettik tehnıkalyq ýnıversıtetin bitirgen.
Eńbek joly: Jáırem taý-ken baıytý kombınatynyń Qıyr-Batys shahtasynyń jóndeýshi, mashınıst kómekshisi (1989-1991); komsomol komıtetiniń hatshysy, hımııa ónimderi jónindegi ınjener, Jáırem GOK materıaldyq-tehnıkalyq qamtamasyz etý bóliminiń qurylys materıaldarynyń jetekshi ınjeneri (1991-1998); qoıma tsehynyń bastyǵy, Jáıremskıı GOK AQ materıaldyq-tehnıkalyq qamtamasyz etý bóliminiń bastyǵy (1998-2000); Qaraǵandy oblysy Jáırem aýylynyń ákimi (2000-2001); «Órken» JShS dırektorynyń jalpy máseleler jónindegi orynbasary, kommertsııalyq bólim bastyǵy, logıstıka dırektory (2001-2005); «Jáırem GOK» AQ logıstıka bóliminiń meńgerýshisi, logıstıka jónindegi prezıdenttiń kómekshisi (2005-2010); Qaraǵandy oblysy Qarajal qalasynyń ákimi (2010-2013); Qaraǵandy oblysy ákimi apparatynyń basshysy (2013); Qaraǵandy oblysynyń kásipkerlik jáne ónerkásip basqarmasynyń basshysy (2013-2015); Qaraǵandy oblysy Temirtaý qalasynyń ákimi (2015-2020); Qaraǵandy oblysynyń memlekettik sáýlet-qurylys qadaǵalaý basqarmasynyń basshysy (2020-2022); «Imstalkon» AQ bas dırektorynyń Pavlodar oblysy boıynsha orynbasary (2022-2024).
2024 jyldyń qyrkúıek aıynan beri qazirgi qyzmetinde.
50 jyl buryn (1975) S. D. Asfendııarov atyndaǵy Qazaq ulttyq medıtsınalyq ýnıversıtetiniń rektory Marat Edigeuly ShORANOV dúnıege keldi.
Almaty qalasynda týǵan. Akademık B. Ý. Jarbosynov atyndaǵy Qazaq memlekettik medıtsına ýnıversıtetin, Ýrologııa ǵylymı ortalyǵynyń aspırantýrasyn bitirdi. Rollins School of Public Health (Emory University) magıstri, qoǵamdyq densaýlyq saqtaý magıstri, medıtsına ǵylymdarynyń kandıdaty.
Akademık B. Ý. Jarbosynov atyndaǵy Ýrologııa ǵylymı ortalyǵynda (Almaty), radıatsııalyq medıtsına jáne ekologııa QazǴZI (Semeı), QR Densaýlyq saqtaý mınıstrliginde jumys istedi. 2008–2009 jyldary — QR Densaýlyq saqtaý mınıstrligi «Densaýlyq saqtaýdy damytý ınstıtýty» RMK dırektory (Almaty). 2009–2011 jyldary — Emory ýnıversıtetiniń Klınıka jobalary boıynsha menedjeri (Emory University, Rollins School of Public Health, Atlanta, AQSh). 2012 jyly — QR Densaýlyq saqtaý mınıstrligi «Densaýlyq saqtaýdy damytý respýblıkalyq ortalyǵy» RMK ekologııalyq zertteýler ortalyǵynyń basshysy (Astana qalasy). 2012–2013 jyldary — QR Densaýlyq saqtaý mınıstrliginiń «Densaýlyq saqtaýdy damytý respýblıkalyq ortalyǵy» RMK bas dırektorynyń medıtsınalyq ǵylym jáne bilim jónindegi orynbasary. 2013–2014 jyldary — QR Densaýlyq saqtaý mınıstrligi Strategııalyq damý departamentiniń dırektory. 2014–2015 jyldary — QR Densaýlyq saqtaý jáne áleýmettik damý mınıstrligi Medıtsınalyq qyzmetterdi standarttaý departamentiniń dırektory. 2015 jyly — «Ulttyq medıtsınalyq holdıng» AQ transformatsııa departamentiniń dırektory. 2016–2017 jyldary — «University Medical Center» korporatıvtik qorynyń basqarýshy dırektory. 2017-2019 jyldary Shyǵys Qazaqstan oblysy Densaýlyq saqtaý basqarmasynyń basshysy. 2019 jyldyń sáýir-qyrkúıek aılarynda Nur-Sultan qalasy Qoǵamdyq densaýlyq saqtaý basqarmasynyń basshysy qyzmetin atqardy. 2019-2020 jyldary — «Áleýmettik medıtsınalyq saqtandyrý qory» KEAQ basqarma tóraǵasynyń orynbasary. 2020-2022 jyldary Qazaqstan Respýblıkasy densaýlyq saqtaý birinshi vıtse-mınıstri.
2022 jyldyń maýsym aıynan bastap qazirgi qyzmetinde.
44 jyl buryn (1981) Qazaqstan Respýblıkasynyń Birikken Arab Ámirlikterindegi Tótenshe jáne Ókiletti Elshisi Raýan Ábdimanapuly JUMABEK dúnıege keldi.
Almaty qalasynda týǵan. Abylaı han atyndaǵy Qazaq halyqaralyq qatynastar jáne álem tilderi ýnıversıtetin bitirgen (2003).
Eńbek joly: Qazaqstan Respýblıkasy Syrtqy ister mınıstrligi Azııa jáne Afrıka departamentiniń referenti, attashesi (2004-2005); Qazaqstan Respýblıkasynyń Saýd Arabııasy Koroldigindegi Elshiliginiń úshinshi, ekinshi hatshysy (2005-2009); Qazaqstan Respýblıkasy Syrtqy ister mınıstrligi Azııa jáne Afrıka departamentiniń birinshi hatshysy (2009-2011); Qazaqstan Respýblıkasynyń Iordanııa Hashımıt Koroldigindegi Elshiliginiń birinshi hatshysy, keńesshisi (2011-2014); Qazaqstan Respýblıkasy Prezıdenti Ákimshiliginiń Syrtqy saıasat ortalyǵynyń ınspektory, sektor meńgerýshisi (2014-2019); Dýbaıdaǵy Qazaqstan Respýblıkasynyń Bas konsýly (2019-2024); Qazaqstan Respýblıkasy Syrtqy ister mınıstrliginiń Taıaý, Taıaý Shyǵys jáne Afrıka departamentiniń dırektory (2024-2025).
2025 jyldyń mamyr aıynan beri qazirgi qyzmetinde.