24 tamyz. Kazinform kúntizbesi. Tulǵalar týǵan kún

ESІMDER

Nurmuhammat ÁBIDOV, Jambyl oblystyq sotynyń qylmystyq ister jónindegi sot alqasynyń tóraǵasy

1964 jyly Jambyl qalasynda (qazirgi Taraz qalasy) týǵan. S. Kırov atyndaǵy Qazaq memlekettik ýnıversıtetin bitirgen, quqyqtaný (1989).

Eńbek joly: 1981-1982 jyldary Jambyl qalasyndaǵy teri kombınatynyń jumysshysy boldy. 1989-1996 jyldary Jambyl oblysy prokýratýrasynda ártúrli laýazymdardy atqardy. 1996-2009 jyldary Jambyl oblystyq sotynyń sýdıasy, 2009 jyly Taraz qalalyq № 2 sotynyń tóraǵasy bolyp qyzmet etti. Jambyl oblysynyń qylmystyq ister jónindegi mamandandyrylǵan aýdanaralyq sotynyń tóraǵasy laýazymyn atqarǵan.

2021 jyldyń mamyr aıynan bastap qazirgi qyzmetinde.

Qumar AQSAQALOV, Qostanaı oblysynyń ákimi

1965 jyly Qostanaı oblysynda týǵan. 1987 jyly V. P. Gorıachkın atyndaǵy Máskeý aýyl sharýashylyǵy óndirisiniń ınjenerleri ınstıtýtyn ınjener-mehanık mamandyǵy boıynsha támamdaǵan. Ekonomıka ǵylymdarynyń kandıdaty.

Eńbek joly: 1987-1989 jyldary Qostanaı oblysy Ýrıtskıı aýdany «Krylovskıı» keńsharynyń bas ınjeneri boldy. 1989-1991 jyldary Qazaqstannyń LKJO-nyń Qostanaı oblysy Ýrıtskıı aýdandyq komıtetiniń birinshi hatshysy, 1991-1992 jyldary Qostanaı oblysy Ýrıtskıı aýdany «Maıak» keńsharynyń bas ınjeneri, 1992-1993 jyldary Qostanaı oblysy Qostanaı aýdany «Novoselovka» memlekettik shaǵyn kásipornynyń dırektory, 1993-1996 jyldary Qostanaı oblysy Qostanaı aýdany «Qostanaı» ǵylymı-óndiristik birlestigi dırektorynyń orynbasary, 1996-1998 jyldary Qostanaı oblysy Meńdiqara aýdanynyń «Sever» ujymsharynyń tóraǵasy, «Sever» AAQ prezıdenti. 1998-2002 jyldary Qostanaı oblysy Meńdiqara aýdanynyń ákimi, 2002-2004 jyldary Qostanaı oblysy Taran aýdanynyń ákimi, 2004-2006 jyldary QR Prezıdenti Ákimshiliginiń Memlekettik baqylaý jáne uıymdastyrý jumysy bóliminiń memlekettik ınspektory, 2006-2010 jyldary Jambyl oblysy ákiminiń orynbasary, 2010-2015 jyldary «Nur Otan» partııasy Ortalyq apparatynyń basshysy, «Nur Otan» partııasynyń hatshysy, 2015-2017 jyldary QR Prezıdenti Ákimshiligi Basshysynyń orynbasary, 2017-2022 jyldary Soltústik Qazaqstan oblysynyń ákimi bolyp qyzmet etti.

2022 jyldyń jeltoqsan aıynan bastap qazirgi qyzmetinde.

«Qurmet» ordenimen marapattalǵan (2011).

Satybaldy BURShAQOV, Qazaqstan Respýblıkasynyń Soltústik Makedonııadaǵy Tótenshe jáne Ókiletti Elshisi

1968 jyly týǵan. 1993 jyly Almaty pedagogıkalyq shet tilder ınstıtýtyn bitirgen. Pákistan Islam Respýblıkasynda Sheteldik qyzmet akademııasynda (1994) jáne Nıderlandy Koroldiginde «Klıngendal» Halyqaralyq qatynastar ınstıtýtynda (1995) taǵylymdamadan ótken.

Eńbek jolyn 1993 jyly Qazaq memlekettik halyqaralyq qatynastar jáne álemdik tilder ýnıversıtetiniń oqytýshysy bolyp bastaǵan. 1993-1995 jyldary QR SІM Eýropa elderi basqarmasynyń attashesi, referenti, 1995-2000 jyldary Vengrııa Respýblıkasyndaǵy QR Elshiliginde attashe, úshinshi, ekinshi hatshy, 2000-2002 jyldary QR SІM ekijaqty yntymaqtastyq departamentiniń birinshi hatshysy, keńesshisi, Eýropa jáne Amerıka departamentinde bólim bastyǵy, 2002-2007 jyldary Qazaqstan Respýblıkasynyń Belgııa Koroldigindegi Elshiliginiń keńesshisi, birinshi hatshysy, 2007-2011 jyldary QR Parlamenti Senaty Apparatynyń parlamentaralyq baılanystar jáne halyqaralyq yntymaqtastyq bólimi meńgerýshisiniń orynbasary, meńgerýshisi, 2011-2012 jyldary QR Parlament Májilisi Apparatynyń halyqaralyq baılanystar jáne hattama bóliminiń meńgerýshisi, 2012-2017 jyldary ıÝNESKO janyndaǵy QR Turaqty ókiliniń orynbasary (Frantsııa), 2018-2019 jyldary QR syrtqy ister mınıstrliginiń halyqaralyq aqparat komıteti tóraǵasynyń orynbasary. 2019 jyly QR Prezıdenti Ákimshiliginiń Syrtqy saıasat ortalyǵynyń basshysy, Syrtqy saıasat jáne halyqaralyq baılanys bóliminiń meńgerýshisi qyzmetin atqardy.

2024 jyldyń naýryz aıynan bastap qazirgi qyzmetinde.

«Qazaqstan Respýblıkasynyń dıplomatııalyq qyzmetine 25 jyl» mereıtoılyq medalimen, Qazaqstan Respýblıkasynyń Qurmet gramotasymen marapattalǵan. Qazaqstan Respýblıkasy Prezıdentiniń Alǵys hatyn alǵan.

Marat ShORANOV, S.D.Asfendııarov atyndaǵy Qazaq ulttyq medıtsınalyq ýnıversıtetiniń Basqarma tóraǵasy — rektory

1975 jyly Almaty qalasynda týǵan. Akademık B. Ý. Jarbosynov atyndaǵy Qazaq memlekettik medıtsına ýnıversıtetin, Ýrologııa ǵylymı ortalyǵynyń aspırantýrasyn bitirdi. Rollins School of Public Health (Emory University) magıstri, qoǵamdyq densaýlyq saqtaý magıstri, medıtsına ǵylymdarynyń kandıdaty.

Akademık B. Ý. Jarbosynov atyndaǵy Ýrologııa ǵylymı ortalyǵynda (Almaty), radıatsııalyq medıtsına jáne ekologııa QazǴZI (Semeı), QR Densaýlyq saqtaý mınıstrliginde jumys istedi. 2008-2009 jyldary QR Densaýlyq saqtaý mınıstrligi «Densaýlyq saqtaýdy damytý ınstıtýty» RMK dırektory (Almaty), 2009-2011 jyldary Emory ýnıversıtetiniń Klınıka jobalary boıynsha menedjeri (Emory University, Rollins School of Public Health, Atlanta, AQSh), 2012 jyly QR Densaýlyq saqtaý mınıstrligi «Densaýlyq saqtaýdy damytý respýblıkalyq ortalyǵy» RMK ekologııalyq zertteýler ortalyǵynyń basshysy (Astana qalasy), 2012-2013 jyldary QR Densaýlyq saqtaý mınıstrliginiń «Densaýlyq saqtaýdy damytý respýblıkalyq ortalyǵy» RMK bas dırektorynyń medıtsınalyq ǵylym jáne bilim jónindegi orynbasary, 2013-2014 jyldary QR Densaýlyq saqtaý mınıstrligi Strategııalyq damý departamentiniń dırektory, 2014-2015 jyldary QR Densaýlyq saqtaý jáne áleýmettik damý mınıstrligi Medıtsınalyq qyzmetterdi standarttaý departamentiniń dırektory, 2015 jyly «Ulttyq medıtsınalyq holdıng» AQ transformatsııa departamentiniń dırektory, 2016-2017 jyldary «University Medical Center» korporatıvtik qorynyń basqarýshy dırektory, 2017-2019 jyldary Shyǵys Qazaqstan oblysy Densaýlyq saqtaý basqarmasynyń basshysy, 2019 jyly Nur-Sultan qalasy Qoǵamdyq densaýlyq saqtaý basqarmasynyń basshysy qyzmetin atqardy. 2019-2020 jyldary «Áleýmettik medıtsınalyq saqtandyrý qory» KEAQ basqarma tóraǵasynyń orynbasary, 2020-2022 jyldary QR densaýlyq saqtaý birinshi vıtse-mınıstri laýazymyn atqarǵan.

2022 jyldyń maýsym aıynan bastap qazirgi qyzmetinde.

Dáýlet MÁMEKOV, Azamattyq avıatsııa akademııasynyń Basqarma tóraǵasy — rektory

1976 jyly Almatyda týǵan. 1998 jyly Qazaq memlekettik basqarý akademııasyn, 2012 jyly Azamattyq avıatsııa akademııasyn bitirgen.

«Almaty halyqaralyq áýejaıy» AQ ekonomıka jáne damý jónindegi vıtse-prezıdenti, «Airport Management Group» JShS bas dırektorynyń óndiris jónindegi orynbasaryn, «Eýro-Azııa Eır» AQ prezıdenti, «Aviation Support» JShS negizin qalaýshy jáne birinshi dırektory, «Qazavıaqutqarý» AQ bas dırektory laýazymyn atqarǵan.

Qazirgi qyzmetin atqarýǵa 2026 jyldyń mamyr aıynda kiristi.

Raýan JUMABEK, Qazaqstan Respýblıkasynyń Birikken Arab Ámirlikterindegi Tótenshe jáne Ókiletti Elshisi

1981 jyly Almaty qalasynda týǵan. Abylaı han atyndaǵy Qazaq halyqaralyq qatynastar jáne álem tilderi ýnıversıtetin bitirgen (2003).

Eńbek joly: 2004-2005 jyldary QR SІM Azııa jáne Afrıka departamentiniń referenti, attashesi, 2005-2009 jyldary Qazaqstan Respýblıkasynyń Saýd Arabııasy Koroldigindegi Elshiliginiń úshinshi, ekinshi hatshysy, 2009-2011 jyldary QR SІM Azııa jáne Afrıka departamentiniń birinshi hatshysy, 2011-2014 jyldary Qazaqstan Respýblıkasynyń Iordanııa Hashımıt Koroldigindegi Elshiliginiń birinshi hatshysy, keńesshisi, 2014-2019 jyldary QR Prezıdenti Ákimshiliginiń Syrtqy saıasat ortalyǵynyń ınspektory, sektor meńgerýshisi, 2019-2024 jyldary Qazaqstan Respýblıkasynyń Dýbaıdaǵy Bas konsýly, 2024-2025 jyldary QR SІM Taıaý, Taıaý Shyǵys jáne Afrıka departamentiniń dırektory laýazymyn atqarǵan.

2025 jyldyń mamyr aıynan beri qazirgi qyzmetinde.