24 shilde kúni elimizdiń basym bóliginde aptap ystyq bolyp, nóser jaýyn men burshaq jaýady
ASTANA. KAZINFORM – «Qazgıdromet» RMK 24 shildege kún raıyna baılanysty eskertý jarııalady. Eskertý Qazaqstannyń 17 oblysyna, sondaı-aq Astana, Almaty jáne Shymkent qalalaryna qatysty, dep habarlaıdy Kazinform.
Sınoptıkterdiń boljamynsha, eldiń birqatar óńirinde nóser jańbyr, naızaǵaı, burshaq, daýyl, ekpindi jel, aptap ystyq pen tuman kútiledi. Sonymen qatar joǵary jáne tótenshe órt qaýpi saqtalady.
Astana – keı ýaqytta jańbyr jaýyp, naızaǵaı oınaıdy.
Almaty – ótkinshi jańbyr, naızaǵaı kútiledi. Qala aýmaǵynda tótenshe órt qaýpi saqtalady.
Abaı oblysy – túnde jáne kúndiz jańbyr jaýyp, naızaǵaı bolady. Keı jerlerde nóser, burshaq, daýyl soǵyp, túngi jáne tańǵy ýaqytta tuman túsýi múmkin. Jel soltústik-batysqa aýysyp, ekpini 23 m/s-qa deıin jetedi. Joǵary jáne tótenshe órt qaýpi saqtalady.
Aqmola oblysy – túnde jáne kúndiz jańbyr, naızaǵaı, keı jerlerde nóser, burshaq jáne daýyl kútiledi. Túnde jáne tańerteń tuman túsedi. Jeldiń ekpini 15–20 m/s. Oblystyń batysynda joǵary órt qaýpi saqtalady.
Aqtóbe oblysy – kúndiz aýa temperatýrasy 35–38 gradýsqa deıin kóteriledi. Joǵary jáne tótenshe órt qaýpi saqtalady.
Almaty oblysy – jańbyr, naızaǵaı, keı jerlerde nóser jańbyr, burshaq jáne daýyl kútiledi. Jeldiń ekpini 15–20 m/s, keı jerlerde 25 m/s-qa deıin jetedi. Joǵary jáne tótenshe órt qaýpi saqtalady.
Atyraý oblysy – jeldiń ekpini 15–18 m/s. Kúndiz 35–39 gradýsqa deıin aptap ystyq bolady. Joǵary jáne tótenshe órt qaýpi saqtalady.
Shyǵys Qazaqstan oblysy – jańbyr, naızaǵaı, keı jerlerde qatty jańbyr, burshaq jaýyp, kúshti jel turady. Túnde jáne tańerteń tuman túsýi múmkin. Jeldiń ekpini 15–20 m/s. Joǵary jáne tótenshe órt qaýpi saqtalady.
Jambyl oblysy – taýly aýdandarda túnde, al kúndiz oblystyń soltústigi men ońtústiginde jańbyr, naızaǵaı, burshaq jáne daýyl bolady. Jeldiń ekpini 15–20 m/s. Keı jerlerde joǵary órt qaýpi saqtalady.
Jetisý oblysy – túnde jáne kúndiz jańbyr jaýyp, naızaǵaı bolady. Keı jerlerde nóser jańbyr jaýady. Jeldiń ekpini 15–20 m/s. Tótenshe órt qaýpi saqtalady.
Batys Qazaqstan oblysy – keı jerlerde ótkinshi jańbyr jaýyp, naızaǵaı oınaıdy. Jeldiń ekpini 15–20 m/s. Kúndiz aýa temperatýrasy 35–38 gradýsqa deıin kóteriledi. Joǵary jáne tótenshe órt qaýpi saqtalady.
Qaraǵandy oblysy – jańbyr, naızaǵaı, keı jerlerde qatty jańbyr, burshaq jáne daýyl kútiledi. Túnde jáne tańerteń tuman bolady. Joǵary jáne tótenshe órt qaýpi saqtalady.
Qostanaı oblysy – keı jerlerde azdaǵan jańbyr jaýyp, naızaǵaı oınaıdy, burshaq túsýi múmkin. Túnde jáne tańerteń tuman túsedi. Oblystyń ońtústiginde kúndiz 35 gradýsqa deıin ystyq bolady. Joǵary jáne tótenshe órt qaýpi saqtalady.
Qyzylorda oblysy – tótenshe órt qaýpi saqtalady.
Mańǵystaý oblysy – jeldiń ekpini 15–18 m/s. Kúndiz aýa temperatýrasy 38–42 gradýsqa deıin kóteriledi. Joǵary jáne tótenshe órt qaýpi saqtalady.
Pavlodar oblysy – jańbyr, naızaǵaı, keı jerlerde qatty jańbyr, burshaq jáne kúshti jel turady. Jeldiń ekpini 15–20 m/s. Oblystyń ońtústiginde joǵary, shyǵysynda tótenshe órt qaýpi saqtalady.
Soltústik Qazaqstan oblysy – jańbyr jaýyp, naızaǵaı oınaıdy. Kúndiz keı jerlerde burshaq túsýi múmkin. Túnde jáne tańerteń tuman túsedi. Jeldiń ekpini 15–20 m/s.
Túrkistan oblysy – taýly jáne taý bókterindegi aýdandarda ótkinshi jańbyr, naızaǵaı, keı jerlerde nóser jańbyr men kúshti jel turady. Jeldiń ekpini 15–20 m/s. Tótenshe órt qaýpi saqtalady.
Shymkent – ótkinshi jańbyr jaýyp, naızaǵaı oınaıdy. Daýyl turyp, jeldiń ekpini 15–20 m/s-qa deıin kúsheıedi.
Ulytaý oblysy – oblystyń soltústigi men shyǵysynda jańbyr jaýyp, naızaǵaı bolady. Kúndiz keı jerlerde burshaq túsip, daýyl soǵady. Túnde jáne tańerteń tuman kútiledi. Jeldiń ekpini 15–20 m/s. Oblystyń ońtústigi men shyǵysynda tótenshe órt qaýpi saqtalady.
Aıta keteıik, búgin Astanada bir kúnde aılyq jaýyn-shashyn mólsheriniń úshten biri jaýdy.
