24 shilde. Kazinform kúntizbesi. Tulǵalar týǵan kún

ESІMDER

86 jyl buryn (1940) Qazaqstan Respýblıkasynyń eńbek sińirgen ártisi, teatr jáne kıno akteri BALAEV Gennadıı Nıkolaevıch dúnıege keldi. 

Aqtóbe qalasynda týǵan. Konservatorııanyń fortepıano klasy boıynsha 3 kýrsyn, Tashkent teatr ınstıtýttyn bitirgen. Samarqandtyń orys drama tearynda, M.Gorkıı atyndaǵy Vladıvostok óńirlik orys drama teatrynda akter qyzmetin atqarǵan.

1971 jyldan – M.Lermontov atyndaǵy Memlekettik akademııalyq orys drama teatrynyń aktery. Teatr sahnasynda júzge jýyq basty rólderdi somdaǵan. Birqatar kınofılmderge túsken.

67 jyl buryn (1959) jazýshy, «Sıtýatıvnyı kazahskıı» kitaptar serııasynyń avtory Qanat Ǵalymuly TASYBEKOV dúnıege keldi.

Tselınograd oblysynda (qazirgi Aqmola oblysy) týǵan. 1981 jyly Almaty zooveterınarlyq ınstıtýtyn jylqytaný mamandyǵy boıynsha bitirgen. 1977-1981 jyldary bokstan Almaty chempıony.

Tselınograd aýylsharýashylyǵy ınstıtýtynda jumys istegen. 1985 jyly Máskeýdegi Tımırıazev aýylsharýashylyǵy akademııasyna aspırantýraǵa túsip, sporttyq jylqytaný boıynsha dıssertatsııa qorǵady. 1994 –1998 jyldary «Bolashaq» baǵdarlamasymen Frantsııada Dıjon qalasyndaǵy Býrgýnd ýnıversıtetinde Aýyl sharýashylyǵy boıynsha doktarantýra bitirgen. 1998-2003 jyl aralyǵynda Qazaqstandaǵy «Romplıng» frantsýz aýylsharýashylyǵy fırmasy ókildiginiń basshysy qyzmetin atqarǵan. «AZVI» JShS-nyń quryltaıshysy jáne dırektory. Memlekettik tildiń damýyna qosqan úlesi úshin 2014 jyly «Til janashyry» tósbelgisimen, al 2016 jyly «Birlik» medalimen marapattalǵan.

65 jyl buryn (1961) QR Memleket qaıratkeri Aıgúl Saıfollaqyzy QUSPAN dúnıege keldi.

Almaty shet tilderi pedagogıkalyq ınstıtýtyn (1983), M.Torez atyndaǵy Máskeý shet tilderi pedagogıkalyq ınstıtýtyn (1989), Frantsııanyń Renn-I ýnıversıtetin, (1995), Frantsııanyń Ulttyq ákimshilik mektebin (1996) támamdaǵan.

1983-1984 jáne 1989-1992 jyldary Almaty shet tilderi pedagogıkalyq ınstıtýtynyń oqytýshysy, 1996-1999 jyldary Qazaqstannyń Frantsııadaǵy Elshiliginiń attashesi, úshinshi hatshysy, 1999-2002 jyldary Qazaqstan Syrtqy ister mınıstrliginiń Ekijaqty yntymaqtastyq departamentiniń ekinshi hatshysy, birinshi hatshysy, bólim bastyǵy boldy.

2002-2004 jyldary Qazaqstannyń Aýstrııadaǵy Elshiliginiń keńesshisi, 2004-2006 jyldary Qazaqstan Syrtqy ister mınıstrliginiń Eýropa jáne Amerıka departamenti bóliminiń bastyǵy, 2006-2011 jyldary Qazaqstannyń Lıtvadaǵy Elshiliginiń keńesshisi, keńesshi-ýákili, 2011-2013 jyldary Qazaqstan Syrtqy ister mınıstrligi Eýropa departamenti dırektorynyń orynbasary, 2014-2018 jyldary Qazaqstan Respýblıkasy Syrtqy ister mınıstrliginiń Eýropa departamentiniń dırektory qyzmetin atqardy.

2018 jylǵy 3 shildeden bastap Qazaqstan Respýblıkasynyń Belgııa Koroldigindegi Tótenshe jáne Ókiletti Elshisi, Qazaqstan Respýblıkasynyń Uly Lıýksembýrg Gertsogtigindegi Tótenshe jáne Ókiletti Elshisi, 2018-2021 jyldary Eýropa odaǵy men Soltústik Atlant kelisimi uıymdary (NATO) janyndaǵy Qazaqstan Respýblıkasy Ókildikteriniń basshysy qyzmetin qosa atqarýshy bolyp qyzmet atqardy.

60 jyl buryn (1966) shahmatshy, halyqaralyq dárejedegi sport sheberi, zaǵıptar arasyndaǵy álem chempıony, Qazaqstannyń eńbek sińirgen sport sheberi Murat Satybaldyuly JÚNІSOV dúnıege keldi.

Qaraǵandy oblysynyń Balqash qalasynda týǵan. Alǵashqy jattyqtyrýshylary – Erǵazy Álimjanov, grossmeıster Bolat Asanov. Qaraǵandy oblysynyń eki dúrkin chempıony (1990, 1991), respýblıkalyq stýdentter oıyndarynyń chempıony (1989), Qazaqstan zaǵıptar qoǵamynyń tórt dúrkin chempıony (1990, 1992, 1994, 1997), halyqaralyq týrnırlerdiń júldegeri (Brno, Chehııa, 1994; Máskeý, 1994; Petropavl, 1994; Benavente, Ispanııa 1995; Nıý-Iork, AQSh 1995). Shahmatty shapshań oınaýdan Astana qalasynyń chempıony (2000), Almaty qalasynyń chempıony (1997, Almaty; 2000, Astana).

45 jyl buryn (1981) Pavlodar oblysy bilim berý basqarmasynyń basshysy Aıgerim Erkenqyzy ÁBENOVA dúnıege keldi.

S.Toraıǵyrov atyndaǵy Pavlodar memlekettik ýnıversıtetin (2003), Innovatsııalyq Eýrazııa ýnıversıtetin (2019) bitirgen.

Eńbek joly: Ekibastuz qalasyndaǵy №23 orta mektepte geografııa pániniń muǵalimi (2000-2004); Ekibastuz qalasyndaǵy №23 orta mektepte dırektordyń orynbasary (2004-2008); Ekibastuz qalasyndaǵy №23 orta mektepte dırektordyń tárbıe isi jónindegi orynbasary (2008-2010); №42 orta mektepte dırektordyń tárbıe isi jónindegi orynbasary (2010-2017); «A.E. Ábenova» jeke kásipkerlik seriktestiginiń dırektory (2017-2018); Pavlodar oblysy bilim berý departamentiniń bilim berý monıtorıngi bóliminiń bas mamany (2018-2019); Pavlodar oblysy Bilim berý departamentiniń Uıymdastyrýshylyq, kadrlyq jumys jáne quqyqtyq qamtamasyz etý bóliminiń bas mamany (2019-2020); Pavlodar oblysy Bilim berý departamentiniń Uıymdastyrýshylyq, kadrlyq jumys jáne quqyqtyq qamtamasyz etý bóliminiń bastyǵy (2020); Ekibastuz qalasy ákimdiginiń «Ekibastuz qalasynyń bilim berý bólimi» memlekettik mekemesiniń bastyǵy (2020-2021); Pavlodar oblysy Bilim berý departamentiniń «Ekibastuz qalasynyń bilim berý bólimi» memlekettik mekemesiniń bastyǵy (2021); Pavlodar oblysy Bilim berý departamenti bastyǵynyń orynbasary (2021-2022); Pavlodar oblysy ákimi apparatynyń hattamalyq, uıymdastyrýshylyq jáne aýmaqtyq jumys bóliminiń bas ınspektory (2023); Aqsý qalasy ákiminiń orynbasary (2023-2025).

2025 jyldyń tamyz aıynan bastap qazirgi qyzmetinde.

43 jyl buryn (1983) «Shákárim ýnıversıteti» KeAQ Basqarma tóraǵasy – rektory Dýman Rymǵalıuly ORYNBEKOV dúnıege keldi.

Shyǵys Qazaqstan oblysynda týǵan. 2005 jyly Shákárim atyndaǵy Semeı memlekettik ýnıversıtetiniń «Tamaq óndirisindegi tehnologııalyq mashınalar men jabdyqtar (sala boıynsha)» mamandyǵy boıynsha «Injener-mehanık» biliktiligi berildi. 2008 jyly Shákárim atyndaǵy Semeı memlekettik ýnıversıtetiniń aspırantýrasyn bitirdi. 2010 jyly tehnıka ǵylymdarynyń kandıdaty atandy. 2020 jyly Qazaq ınnovatsııalyq gýmanıtarlyq-zań ýnıversıtetiniń «Ekonomıka» mamandyǵy boıynsha «Ekonomıka jáne bıznes» bakalavry dárejesi berildi.

Eńbek joly: 2008-2011 jyldary Shákárim atyndaǵy Semeı memlekettik ýnıversıtetiniń «Tamaq óndirisiniń mashınalary men apparattary» kafedrasynyń aǵa oqytýshysy, 2011-2012 jyldary Shákárim atyndaǵy Semeı memlekettik ýnıversıtetiniń Ǵylym, halyqaralyq baılanystar jáne joǵary oqý ornynan keıingi bilim bóliminiń basshysy, 2012-2019 jyldary L.N.Gýmılev atyndaǵy Eýrazııa ulttyq ýnıversıteti Ǵylymı-tehnıkalyq baǵdarlamalar bóliminiń basshysy, 2019 jyly QR Bilim jáne ǵylym mınıstrliginiń «Ulttyq testileý ortalyǵy» RMQK dırektorynyń orynbasary, 2019-2020 jyldary L.N.Gýmılev atyndaǵy Eýrazııa ulttyq ýnıversıteti Ǵylym jáne ınnovatsııa departamentiniń dırektory, 2020-2022 jyldary QR Bilim jáne ǵylym mınıstrligi Ǵylym komıteti tóraǵa orynbasary, 2022-2023 jyldary QR Ǵylym jáne joǵary bilim mınıstrligi Ǵylym komıteti tóraǵa orynbasary laýazymyn atqarǵan.

Qazirgi qyzmetin 2023 jyldyń shilde aıynan beri atqaryp keledi.

43 jyl buryn (1983) Túrkistan oblysynyń Tabıǵı resýrstar jáne qorshaǵan ortany basqarý departamentiniń basshysy Ǵalymjan Ánýaruly TÓLEPOV dúnıege keldi.

Túrkistan oblysynyń Qazyǵurt aýylynda dúnıege kelgen. Q.A. ıAssaýı atyndaǵy Halyqaralyq saýda jáne ónerkásip kolledjin «Ekonomıst» jáne «Zańger» mamandyqtary boıynsha; Aımaqtyq áleýmettik-ınnovatsııalyq ýnıversıtetin «quqyq bakalavry» mamandyǵy boıynsha bitirgen (2016).

Eńbek joly: Ońtústik Qazaqstan oblysy Qazyǵurt aýdanynyń ishki saıasat bóliminiń jetekshi mamany (2006); Ońtústik Qazaqstan oblysy Qazyǵurt aýdanynyń ekonomıka jáne bıýdjettik josparlaý bóliminiń bas mamany, Ońtústik Qazaqstan oblysy qarjy departamentiniń bıýdjettiń oryndalýyn taldaý jáne baqylaý bóliminiń bas mamany, Ońtústik Qazaqstan oblysy ákimi apparatynyń ekonomıkalyq taldaý, memlekettik qyzmetterdi monıtorıngteý jáne aqparattyq tehnologııalar bóliminiń bas mamany, ekonomıkalyq taldaý, bıýdjettik monıtorıng jáne memlekettik satyp alý bóliminiń bas mamany (2006-2010); Ońtústik Qazaqstan oblysy ákimi apparatynyń ekonomıkalyq taldaý, bıýdjettik monıtorıng jáne memlekettik satyp alý bóliminiń basshysy; Ońtústik Qazaqstan oblysy Qazyǵurt aýdany ákiminiń orynbasary (2012-2017); Túrkistan oblysy Tólebı aýdany ákiminiń orynbasary (2017 jylǵy shilde - 2019 jylǵy qyrkúıek); Shymkent qalasy Abaı aýdanynyń ákimi (2019 jylǵy qyrkúıek - 2020 jylǵy aqpan); Shymkent qalasy Turǵyn úı jáne turǵyn úı ınspektsııasy bóliminiń basshysy (2021-2025 jylǵy qarasha).

2025 jyldyń qarasha aıynan bastap qazirgi qyzmetinde.