24 shildede Qazaqstannyń soltústiginde daýyl turýy múmkin
ASTANA. QazAqparat - Qazaqstannyń soltústiginde daýyl soǵýy yqtımal, dep habarlaıdy QazAqparat «Qazgıdromet» RMK-ǵa silteme jasap.
24 shildede Soltústik Qazaqstan oblysynda soltústikten jel soǵyp, onyń jyldamdyǵy 15-20, ekpini 23-28 m/s jetýi múmkin. Keı jerlerde naızaǵaı oınap, kúndiz burshaq túsýi yqtımal. Túnde keı jerlerde qatty nóser jaýady.
Petropavl qalasynda 24 shildede 15-20 m/s soltústik jeli soǵyp, kúndiz onyń ekpini 23-28 m/s-ke deıin jetedi. Kún kúrkirep, daýyl bolady jáne kúndiz burshaq túsýi múmkin. Daýyldyń yqtımaldyǵy 90-95%.
Kókshetaý qalasynda 24 shildede kún kúrkirep, daýyl bolady jáne burshaq túsýi yqtımal. Túnde jáne tańerteń tuman túsedi dep boljanýda. Soltústik-batys, soltústikten jel soǵyp, onyń jyldamdyǵy 15-20 m/s-ke deıin jetedi. Daýyldyń yqtımaldyǵy 90-95%.
