24 shilde kúni respýblıkanyń basym bóliginde jańbyr jaýyp, naızaǵaı oınaıdy
ASTANA. QazAqparat - Atmosferalyq frontaldy bólikterdiń ótýine baılanysty 24 shilde kúni Qazaqstan aımaqtarynyń basym bóliginde jańbyr jaýady, naızaǵaı bolyp, jel kúsheıedi, keı jerlerinde tuman kútiledi, burshaq bolýy yqtımal.
Tek ońtústik, ońtústik-shyǵysta jaýyn-shashynsyz aýa raıy kútiledi. Bul týraly QR ІІM TJK habarlady.
Atyraý, Batys Qazaqstan, Qostanaı oblystarynda, túnde Mańǵystaý oblystarynyń keı jerlerinde jel 15-22 m/s kúsheıdi. Kúndiz Qyzylorda oblysynyń keı jerlerinde shańdy daýyl kútiledi, jel 15-20 m/s kúsheıedi. Túnde Soltústik Qazaqstan oblysynyń keı jerlerinde tuman bolady, jel 15-20 m/s kúsheıedi. Pavlodar oblysynyń keı jerlerinde burshaq kútiledi, jel 18 m/s kúsheıedi, túnde tuman bolady. Shyǵys Qazaqstan oblysynda jel 15-20 m/s kúsheıýi kútiledi, kúndiz burshaq bolýy yqtımal. Aqmola, Qaraǵandy oblystarynyń keı jerlerinde tuman bolady. Almaty oblysynda, Qyzylorda, Qaraǵandy oblystarynyń keı jerlerinde qatty ystyq saqtalady. Jambyl, Ońtústik Qazaqstan, Qyzylorda, Aqtóbe, Qaraǵandy oblystarynda óte joǵary órt qaýipi saqtalady.
