2–4 sáýirge boljam: jańbyr, naızaǵaı jáne temperatýranyń tómendeýi kútiledi

ASTANA. KAZINFORM — Sáýir aıynyń basynda elimizdiń soltústiginde, shyǵysynda jáne ońtústik-shyǵysynda jaýyn-shashynsyz, jyly kóktemgi aýa raıy saqtalady. Al batys óńirlerge ońtústik tsıklon áser etip, turaqsyz aýa raıyn qalyptastyrady. Bul týraly «Qazgıdromet» RMQ málimdedi.

Sınoptıkterdiń boljamynsha, tsıklon shyǵysqa qaraı jyljyǵan saıyn, soltústik, ortalyq jáne ońtústik oblystarda naızaǵaı kúrkirep, jańbyr jaýyp, keı ýaqytta nóser jańbyr kútiledi. Jel kúsheıedi, kúndiz soltústik-batysta burshaq pen ekpindi jel bolýy múmkin. Túngi jáne tańǵy saǵattarda tuman kútiledi.

Kúndiz aýa temperatýrasy:

• soltústik-batys pen soltústikte +15…+25°S-tan +12…+20°S-qa deıin tómendeıdi,
• ońtústikte +27…+32°S-tan +18…+25°S-qa deıin tómendeıdi,
• batysta +13…+20°S-tan +18…+25°S-qa deıin joǵarylaıdy,
• shyǵysta +18…+26°S-qa deıin kóteriledi,
• ortalyqta +15…+25°S shamasynda saqtalady,
• ońtústik-shyǵysta +25…+30°S bolady.

Aıta keteıik, Qaraǵandy oblysynda sáýir aıynda qatty jel men shańdy daýyl kútiledi.