24 sáýir kúngi aýa raıy boljamy
NUR-SULTAN. QazAqparat – 24 sáýir kúni respýblıkanyń basym bóliginde qubylmaly kún raıy saqtalady. Atmosferalyq frontaldy bólikterdiń ótýine baılanysty jekelegen óńirlerde naızaǵaı oınap, jańbyr jaýady. Soltústik-batys jáne batysta – jaýyn-shashyn (jańbyr, qar), daýyl, tuman, ekpindi jel, batys jáne ońtústikte – shańdy daýyl, burshaq kútiledi, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Qostanaı oblysynyń keı jerlerinde daýyl, tuman, túnde keı jerlerde, kúndiz basym bóliginde jel 15-23 m/s kúsheıedi.
Qyzylorda oblysynyń keı jerlerinde daýyl, shańdy daýyl, kúndiz burshaq, keı jerlerinde jel 15-23 m/s artady.
Kúndiz Jambyl, Túrkistan, Batys Qazaqstan, Aqtóbe oblystarynyń keı jerlerinde jel 15-20 m/s kúsheıedi. Túrkistan oblysynyń keı jerlerinde daýyl kútiledi, Batys Qazaqstan oblysynda burshaq jaýýy yqtımal.
Atyraý, Soltústik Qazaqstan, Qaraǵandy, Shyǵys Qazaqstan oblystarynyń keı jerlerinde jeldiń kúshi 15-25 m/s kúsheıedi. Atyraý oblysynyń keı jerlerinde shańdy daýyl, Qaraǵandy oblysynda tuman boljanady.
Aqmola oblysynyń keı jerlerinde tuman, burshaq, 15-20 m/s ekpinde jel kútiledi.
Almaty oblysynyń Jalańashkól aýdanynda jel 15-20 m/s artady.
Kúndiz Pavlodar oblysynyń keı jerlerinde daýyl, burshaq, 15-25 m/s jyldamdyqta jel turady.
