24 saǵat oınaǵan geımer kóz jumdy
ASTANA. Qazaqparat - Ótken jeksenbide PoShYbRiD laqap atymen World of Tanks oıynyn oınaǵan amerıkalyq geımer Braıan Vıno jansyz kúıinde tabyldy. Ol ózi uıymdastyrǵan 24 saǵattyq qaıyrymdylyq oıyn-marafony kezinde kóz jumǵan. Strımniń aıaqtalýyna eki saǵat qalǵanda geımer shylym shegý úshin bólmeden shyqqan jáne qaıtyp oralmaǵan.
Amerıkalyqtyń úıine polıtsııa bir saǵat ótken soń ǵana shaqyrylǵan, dep habarlady Polygon .
Qazirgi ýaqytta jergilikti polıtsııa 34 jastaǵy geımerdiń ólimin tekserýde. Vınonyń mundaı qaıyrymdylyq sharalaryn turaqty túrde ótkizip turǵany jáne túsken qarjyny túrli qaıyrymdylyq uıymdaryna bergeni belgili boldy.
The Sun basylymynyń jazýynsha, kompıýter aldynan ketken soń oralmaǵan Vınony kórermender uıyqtap qaldy dep oılaǵan. Keıinirek ol taǵy da onlaınǵa shyqty - alaıda, bul jaısyz habardy málim etken polıtsııa qyzmetkeri edi.
