24 naýryz. Tulǵalar týǵan kún
Búgin, 24 naýryz kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
83 jyl buryn (1942) sýretshi jáne sáýletshi, Qazaqstan Respýblıkasy Memlekettik Eltańbasynyń avtory Jandarbek Málibekuly MÁLІBEKOV dúnıege keldi.
Qyzylorda oblysynda týǵan. Tashkent polıtehnıkalyq ınstıtýtynyń sáýlet fakýltetin bitirgen.
Eńbek joly: Ózbekstan Ǵylymı-zertteý ónerkásibi ınstıtýtynyń (ÓzBǴZI) qala qurylysy sheberhanasynyń meńgerýshisi. Ándijandaǵy aerovokzaldyń, Ferǵanadaǵy oblystyq poshta bólimshesiniń, oblystyq basqarmanyń, Samarqandtaǵy drama teatry men ortalyq kitaphanasynyń ǵımarattaryn, Angren qalalaryndaǵy birqatar turǵyn yqsham aýdandardy jobalaýǵa belsene qatysty. Memlekettik rámizder jónindegi respýblıkalyq komıssııanyń múshesi.
1992 jyldyń basynda J.Málibekov qatysqan Táýelsiz Qazaqstannyń memlekettik rámizderiniń úzdik jobasyna baıqaý jarııalandy. Úzdik memlekettik rámizge arnalǵan aýqymdy baıqaýǵa 245 joba qatysty. Komıssııa apta saıyn jınalyp, sońynda Málibekovtiń jobasy depýtattardyń qaraýyna usynyldy.
2003 jyldan beri L.N. Gýmılev atyndaǵy Eýrazııa ulttyq ýnıversıtetinde jumys isteıdi, professor.
«Qurmet», «Barys» ordenderimen, «Qazaqstan Respýblıkasynyń táýelsizdigine 10 jyl», «Qazaqstannyń eńbek ardageri» medaldarymen marapattalǵan. «Ózbekstan Respýblıkasynyń eńbek sińirgen sáýletshisi» jáne «Qazaqstannyń eńbek sińirgen qaıratkeri» qurmetti ataqtary bar. Mádenıet jáne óner salasyndaǵy Qazaqstan Respýblıkasynyń memlekettik stıpendııasynyń ıegeri.
69 jyl buryn (1956) Qazaqstan Respýblıkasy Parlamenti Senaty janyndaǵy Senatorlar keńesiniń múshesi Erik Hamzınuly SULTANOV dúnıege keldi.
Soltústik Qazaqstan oblysynda týǵan. Qaraǵandy polıtehnıkalyq ınstıtýtyn, D.Serikbaev atyndaǵy Shyǵys Qazaqstan memlekettik tehnıkalyq ýnıversıtetin ınjener-mehanık mamandyǵy boıynsha bitirgen.
Eńbek joly: 1978-1992 jyldary «Ekibastuzshahtostroı» zaýytynda slesar, aǵa prorab, birikken qurylys komıtetiniń tóraǵasy, qurylysty mehanıkalandyrý bóliminiń bas ınjeneri, kásipodaq komıtetiniń tóraǵasy, 1992-1993 jyldary Ekibastuz qalasyndaǵy aǵash óńdeý zaýytynyń dırektory, 1993-1994 jyldary Ekibastuz qalasy ákimshiligi basshysynyń birinshi orynbasary, 1994-1995 jyldary QR Joǵarǵy Keńesi qurylys, sáýlet jáne turǵyn úı-kommýnaldyq sharýashylyq komıtetiniń múshesi, 1995-1996 jyldary QR Eńbek mınıstrligi janyndaǵy Eńbekti qorǵaý departamentiniń tóraǵasy, 1995-1996 jyldary «Ekibastuzshahtoqurylys» QB prezıdenti, 1996-1998 jyldary Pavlodar aýmaqtyq memlekettik múlikti basqarý komıtetiniń tóraǵasy, 1998-1999 jyldary aýmaqtyq memlekettik múlik jáne jekeshelendirý komıtetiniń tóraǵasy, Soltústik Qazaqstan oblysy ákiminiń orynbasary, 1999-2000 jyldary QR Kólik jáne kommýnıkatsııa mınıstrligi Avtomobıl joldary departamentiniń dırektory, 2000-2001 jyldary QR Kólik jáne kommýnıkatsııa mınıstrligi Avtomobıl joldary komıtetiniń syrtqy qaryzdar jónindegi konsýltanttarynyń bas úılestirýshisi, 2001-2002 jyldary «Qazaqavtodor» RMK bas dırektorynyń birinshi orynbasary, QR Kólik jáne kommýnıkatsııa mınıstrligi Avtomobıl joldary komıtetiniń tóraǵasy, 2004-2005 jyldary QR Kólik jáne kommýnıkatsııa mınıstrligi Kólik ınfraqurylymyn damytý komıtetiniń tóraǵasy, 2005-2006 jyldary «Qazaqdorstroı» JShS bas dırektory, 2006-2007 jyldary Astana qalasy ákiminiń orynbasary, 2007-2008 jyldary Astana qalasy ákiminiń birinshi orynbasary, 2008-2014 jyldary «Qazaqstan temir joly» Ulttyq kompanııasy» aktsıonerlik qoǵamynyń vıtse-prezıdenti, 2014-2017 jyldary Soltústik Qazaqstan oblysynyń ákimi, 2017-2023 jyldary QR Parlamenti Senatynyń depýtaty, Ekonomıkalyq saıasat, ınnovatsııalyq damý jáne kásipkerlik komıtetiniń múshesi.
«Qurmet» jáne «Parasat» ordenderimen marapattalǵan.
63 jyl buryn (1962) Qazaqstan Respýblıkasy Parlamentarızm ınstıtýtynyń dırektory Qanatbek Beısenbekuly SAFINOV dúnıege keldi.
Jambyl oblysynda týǵan. S.M.Kırov atyndaǵy Qazaq memlekettik ýnıversıtetin bitirgen.
Eńbek joly: 1979 jyly jún óńdeý fabrıkasynyń tıeýshisi, 1985-1986 jyldary Máskeý memlekettik ýnıversıtetinde stajer, ǵylymı qyzmetker, 1986-1989 jyldary Qazaqstan ǴA Fılosofııa jáne quqyq ınstıtýtynyń aspıranty, 1990-1992 jyldary Qazaqstan Ǵylym akademııasynyń Memleket jáne quqyq ınstıtýtynyń ǵylymı qyzmetkeri, Qazaqstan Respýblıkasy Joǵarǵy Keńesi depýtatynyń assıstenti, 1992-1994 jyldary QR Syrtqy ekonomıkalyq baılanystar mınıstrligi «Qazaqstan servıs» kompanııasy bas dırektorynyń orynbasary, 1994-1996 jyldary Qazaqstannyń Germanııadaǵy saýda ókiliniń orynbasary, 1996-1997 jyldary «Qazaqstan áýe joly» KEAQ-nyń syrtqy baılanystar jónindegi vıtse-prezıdenti, Qazaqstan Respýblıkasy Investıtsııalar jónindegi memlekettik komıtetiniń Jobalardy baǵalaý jáne kelissózder dırektsııasynyń menedjeri, «Qazaqoıl» UOK JAQ zań departamentiniń dırektory, 1997-2002 jyldary Qazaqstan Respýblıkasy Premer-Mınıstri Keńsesiniń quqyqtyq saraptama bóliminiń meńgerýshisi, zań bóliminiń meńgerýshisi, zańnama, qorǵanys jáne quqyq tártibi bóliminiń meńgerýshisi, zań bóliminiń meńgerýshisi, «QazTransGaz» JAQ bas dırektorynyń orynbasary, 2002-2008 jyldary «QazMunaıGaz» UK» AQ quqyqtyq qamtamasyz etý jónindegi basqarýshy dırektory, «Samuryq» memlekettik aktıvterdi basqarý jónindegi qazaqstandyq holdıngi» AQ qyzmetin toqtatqanǵa deıin basqarma múshesi, «Samuryq-Qazyna» Ulttyq ál-aýqat qory» AQ Basqarma múshesi, 2009-2010 jyldary QR Energetıka jáne mıneraldyq resýrstar mınıstrliginiń jaýapty hatshysy, 2010-2014 jyldary QR Munaı jáne gaz mınıstrliginiń jaýapty hatshysy, 2014-2019 jyldary QR Energetıka mınıstrliginiń jaýapty hatshysy, 2019-2023 jyldary QR Parlamenti Senatynyń depýtaty, Konstıtýtsııalyq zańnama, sot júıesi jáne quqyq qorǵaý organdary komıtetiniń hatshysy qyzmetterin atqardy.
2023 jyldyń qańtar aıynan bastap qazirgi qyzmetinde.
«Qurmet», III dárejeli «Barys» ordenderimen marapattalǵan.
61 jyl buryn (1964) Tutynýshylardyń quqyqtaryn qorǵaý komıtetiniń tóraǵasy Asqar Stanıslavuly TYNYSBEKOV dúnıege keldi.
Almaty oblysynda týǵan. 1984 jyly Qazaq dene shynyqtyrý ınstıtýtyn dene shynyqtyrý jáne sport mamandyǵy boıynsha bitirgen. 1992 jyly Qazaq memlekettik ekonomıkalyq ýnıversıtetin "halyq sharýashylyǵyn josparlaý" mamandyǵy boıynsha, 2005 jyly Qazaq gýmanıtarlyq zań ýnıversıtetin "zańtaný" mamandyǵy boıynsha bitirgen.
Eńbek joly: 1984-1986 jyldary Keńes áskeri qatarynd boldy. 1986-1991 jyldary Almaty oblysy, Eńbekshiqazaq aýdanynyń Keńes-Partııa bılik organdarynda jumys istedi. 1991-1996 jyldary Almaty oblysy, Eńbekshiqazaq aýdanynyń qarjy organdarynda jumys istedi. 1996-2000 jyldary Almaty qalasy Túrksib aýdany boıynsha salyq ınspektsııasy bastyǵynyń orynbasary, 2000-2002 jyldary QR Memlekettik kirister mınıstrliginiń Ońtústik Qazaqstan oblysy Shymkent qalasy boıynsha salyq komıtetiniń tóraǵasy, 2002-2008 jyldary QR Qarjy mınıstriginiń Ońtústik Qazaqstan oblysy boıynsha salyq komıteti tóraǵasy, 2008-2010 jyldary QR Qarjy mınıstrigi Salyq Komıtetiniń Almaty qalasy boıynsha salyq departamenti Almaly aýdany boıynsha salyq basqarmasynyń bastyǵy, 2010-2012 jyldary QR Qarjy mınıstrigi Salyq Komıtetiniń Atyraý oblysy boıynsha salyq departamentiniń bastyǵy, 2012-2014 jyldary QR Qarjy mınıstrigi Qarjy monıtorıngi komıteti tóraǵasynyń orynbasary, 2014-2017 jyldary QR Qarjy mınıstriginiń memlekettik kirister komıteti Jambyl oblysy boıynsha memlekettik kirister departamentiniń basshysy, 2017-2019 jyldary QR Qarjy mınıstriginiń memlekettik kirister komıteti Almaty qalasy boıynsha memlekettik kirister departamentiniń basshysy laýazymyn atqarǵan. 2019-2021 jyldary QR Saýda jáne ıntegratsııa mınıstrligi Tehnıkalyq retteý jáne metrologııa komıtetiniń tóraǵanyń orynbasary boldy.
Qazirgi laýazymyn 2021 jyldyń aqpan aıynan beri atqaryp keledi.
«Qurmet» ordenimen, medaldarmen marapattalǵan.
60 jyl buryn (1965) Qazaqstan Respýblıkasynyń memleket qaıratkeri Qaırat Perneshuly QOJAMJAROV dúnıege keldi.
Jambyl qalasynda týǵan. A.A.Jdanov atyndaǵy Lenıngrad memlekettik ýnıversıtetin bitirgen, zańger.
Eńbek joly: 1987-1995 jyldary Jambyl qalasy jáne Jambyl oblysynyń prokýratýra organdarynda qyzmet etti, 1995-1998 jyldary «Qorǵas» kedeninde tergeýshi, bólim bastyǵy, 1998-1999 jyldary «Ozon-Melaın» JShS qarjy dırektory, 1999-2002 jyldary Qazaqstan Respýblıkasy Memlekettik kiris mınıstrligi Salyq polıtsııasy komıtetiniń erekshe mańyzdy ister jónindegi aǵa ınspektory, basqarma bastyǵynyń orynbasary, Memlekettik kiris mınıstrligi Salyq polıtsııasy komıtetiniń tergeý basqarmasy bastyǵynyń orynbasary, 2001-2002 jyldary QR Qarjy polıtsııasy agenttiginiń Tergeý basqarmasynyń bastyǵy, Almaty qalasy boıynsha Ekonomıkalyq qylmysqa jáne sybaılas jemqorlyqqa qarsy kúres departamenti (qarjy polıtsııasy) bastyǵynyń jedel-izdestirý jumystary jónindegi orynbasary, 2004-2007 jyldary Aqtóbe oblysy boıynsha Ekonomıkalyq qylmysqa jáne sybaılas jemqorlyqqa qarsy kúres departamentiniń (qarjy polıtsııasy) bastyǵy, 2007-2008 jyldary QR Ekonomıkalyq qylmysqa jáne sybaılas jemqorlyqqa qarsy kúres agenttigi (qarjy polıtsııasy) tóraǵasynyń orynbasary, 2008-2012 jyldary QR Ekonomıkalyq qylmysqa jáne sybaılas jemqorlyqqa qarsy kúres agenttiginiń (qarjy polıtsııasy) tóraǵasy, 2013-2014 jyldary QR Qaýipsizdik Keńesiniń hatshysy, 2014-2015 jyldary QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy, 2015-2016 jyldary QR Memlekettik qyzmet isteri mınıstrliginiń Sybaılas jemqorlyqqa qarsy is-qımyl ulttyq bıýrosynyń tóraǵasy, 2016-2017 jyldary QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy, 2019-2023 jyldary QR Parlamenti Senatynyń depýtaty, Halyqaralyq qatynastar, qorǵanys jáne qaýipsizdik komıtetiniń múshesi boldy.
I, IІ dárejeli «Dańq» ordenimen marapattalǵan.
36 jyl buryn (1989) Shyǵys Qazaqstan oblysy Óskemen qalasynyń ákimi Almat Talǵatuly AQYShOV dúnıege keldi.
Shyǵys Qazaqstan oblysynyń Kúrshim aýdanynda týǵan. 2011 jyly L.N. Gýmılev atyndaǵy Eýrazııalyq Ulttyq ýnıversıtetin «Týrızm» mamandyǵy boıynsha, 2015 jyly Almaty ekonomıka jáne statıstıka akademııasyn ekonomıka mamandyǵy boıynsha bitirgen. 2018 jyly QR Prezıdentiniń janyndaǵy Memlekettik basqarý akademııasynda bilim alyp, óńirlerdi damytý magıstri atandy.
Eńbek joly: 2012 jyldan bastap memlekettik qyzmette. 2012-2015 jyldary "ShQO deneshynyqtyrý jáne sport basqarmasy" MM týrızmdi damytý, ishki baqylaý bóliminiń jetekshi mamany, 2015-2018 jyldary QR Aýyl sharýashylyǵy mınıstrliginiń Investıtsııalyq saıasat departamenti Qarjy quraldary basqarmasynyń sarapshysy, bas sarapshysy, 2018-2020 jyldary «ShQO Ulan aýdany ákiminiń apparaty" MM apparat basshysy, 2020 jyly ShQO Aıagóz aýdany ákiminiń orynbasary, 2020-2022 jyldary "ShQO energetıka jáne turǵyn úı-kommýnaldyq sharýashylyq basqarmasy" MM basshysy, 2022-2024 jyldary Shyǵys Qazaqstan oblysy Kúrshim aýdanynyń ákimi laýazymyn atqarǵan.
Qazirgi uyzmetin 2024 jyldyń jeltoqsan aıynan beri atqaryp keledi.
82 jyl buryn (1943-2021) aqyn-jazýshy, Qazaqstan Jazýshylar odaǵynyń múshesi Rafael (Aqedil) NIıAZBEKOV dúnıege keldi.
Jambyl oblysynyń týmasy. S.M. atyndaǵy Qazaq memlekettik ýnıversıtetin bitirgen.
Gazet, jýrnal, radıo redaktsııalarynda, «Jazýshy» baspasynda redaktor bolyp qyzmet atqarǵan. «Qarataý men Alataý», «Temirqazyq», «Jalyn keshken», «Jer janary», «Órken», «Bıikteı ber, taýlarym!» atty poezııalyq jınaqtardyń, «Sheshender», «Tynda meni, zamana» romandarynyń avtory. Qyzyl úı», «Tas Qudaıy», «Otaǵasy», «Qańtar» áńgimeleri. M.Rýmıantseva, A.Chepýrov, K.Týıorskıı jáne basqalardyń óleńderin qazaq tiline aýdarǵan.
Qazaqstan Jazýshylar odaǵynyń І.Jansúgirov atyndaǵy syılyǵynyń, Sheshen Respýblıkasynyń Joǵary memlekettik «Ult namysy» ordeniniń ıegeri, B.Momyshulynyń 90 jyldyǵyna arnalǵan respýblıkalyq aqyndar músháırasynyń jeńimpazy.