2,4 mln qazaqstandyq JRVI-men aýyrdy

Ótken jyly kúzden beri 2,4 mln qazaqstandyq JRVI-men aýyryp shyqty. Bul týraly Densaýlyq saqtaý mınıstri Ajar Ǵınııat málim etti, dep habarlaıdy Kazinform. 

«Bıyl epıdemıologııalyq maýsymda 2,4 mln JRVI-niń jaǵdaıy tirkeldi. Syrqattaný ótken epıdemıologııalyq maýsym deńgeıinde tur. Qarasha aıynan bastap tumaýdyń taraýyna baqylaý ádettegideı júrýde. Epıdemııalyq maýsym bastalǵannan beri zerthanalyq turǵydan rastalǵan 935 tumaý jaǵdaıy tirkeldi. Onyń 85% A tumaýy, 15% V tumaýy», - dedi Ajar Ǵınııat Úkimet otyrysynda.

Sonymen qatar mınıstr tumaýdan basqa da vırýstardyń taralý jaǵdaıyna toqtaldy. Atap aıtqanda 41% rınovırýs, 21% MS vırýsyna jáne 14% adenovırýs.

«Epıdemıologııalyq maýsym bastalǵaly (qazan-mamyr) statsıonarlyq jaǵdaıda 31 myńnan astam patsıent emdelse, 2 mln-nan astam patsıent ambýlatorııalyq jaǵdaıda em aldy. Elimiz boıynsha barlyǵy 10 myńǵa jýyq juqpaly aýrýǵa ushyraǵandarǵa arnalǵan tósek-oryn bar. Onyń ishinde balalarǵa arnalǵan tósek-oryndar da bar», - deıdi ol.