24 maýsymǵa arnalǵan aýa raıy boljamy
ASTANA. 24 maýsym. QazAqparat - Búgin elimizdiń ońtústik bóliginde antıtsıklon taramdarynyń yqpal etýimen aýa raıy jaýyn-shashynsyz bolady dep kútilýde, jekelegen aýdandarda jel kúsheıedi.
Qazaqstannyń qalǵan aımaqtarynda atmosferalyq aǵymdardyń yqpaly sezilip, keı jerlerde jańbyr jaýady, naızaǵaı oınap, jel kúsheıedi. Bul týraly Qazgıdrometke silteme jasap, TJM-niń baspasóz qyzmetinen habarlady.
Aqmola, Aqtóbe, Qostanaı, Soltústik Qazaqstan, Qaraǵandy, Shyǵys Qazaqstan, Ońtústik Qazaqstan, Qyzylorda, kúndiz Atyraý, Batys Qazaqstan oblystarynda jekelegen aýdandarda jeldiń ekpini sekýndyna 15-20 metrge deıin kúsheıedi, Ońtústik Qazaqstan, Qyzylorda oblystarynda shańdy daýyl turady.
Boljam boıynsha, Jambyl, Almaty, Ońtústik Qazaqstan, Qostanaı, Qaraǵandy oblystarynda keı jerlerde qatty ystyq kútiledi.
Jekelegen aýdandarda joǵary órt qaýpi saqtalmaq.
