24 maýsymda Shymkentte Senat depýtattyǵyna saılaý ótedi - QR OSK
Qaýly jobasyn QR OSK Tóraǵasynyń orynbasary Konstantın Petrov tanystyrdy.
Buǵan deıin Parlament Senatynyń depýtaty saılanbaly laýazymyn atqarǵan Darhan Amankeldiuly Satybaldy QR Prezıdentiniń 2019 jylǵy 18 naýryzdaǵy Jarlyǵymen Ózbekstan Respýblıkasyndaǵy Tótenshe jáne Ókiletti Elshi bolyp taǵaıyndaldy. Ortalyq saılaý komıssııasy 2019 jyldyń 19 naýryzynda D. Satybaldynyń Senat depýtaty retindegi ókilettiligin toqtatý qaýlysyn qabyldady.
«Qazaqstan Respýblıkasyndaǵy saılaý týraly» Konstıtýtsııalyq zańǵa sáıkes, depýtattyń ókilettiligin merziminen buryn toqtatý onyń ornyna saılaý taǵaıyndaý úshin negiz bolyp tabylady. Bul rette Ortalyq saılaý komıssııasy depýtat ókilettiligin merziminen buryn toqtatqan soń, eki aıdan keshiktirmeı saılaý taǵaıyndaıdy.
Sonymen birge, Shymkent qalasynan QR Parlamenti Senatynyń depýtaty ornyna saılaýdy daıarlaý jáne ótkizý jónindegi negizgi is-sharalardyń kúntizbelik jospary bekitildi. Kúntizbelik jospar saılaý naýqanyn ótkizý kezinde «Qazaqstan Respýblıkasyndaǵy saılaý týraly» Konstıtýtsııalyq zańda belgilengen merzimderge sáıkes jasaldy.
Usyný saılaý taǵaıyndalǵan kúnnen soń - 2019 jyldyń 27 sáýirinde bastalyp, 24 mamyrda aıaqtalady. Senat depýtattyǵyna kandıdattar usyný respýblıkalyq mańyzy bar qala máslıhattar sessııalarynda nemese ózin-ózi usyný tártibimen júrgiziledi.
Senat depýtaty laýazymyna 30 jasqa tolǵan Qazaqstan azamaty, joǵary bilimi jáne keminde bes jyl jumys stajy bar, sondaı-aq ózine tıisti óńirde keminde úsh jyl turaqty turǵan adam saılana alady. Kandıdattardy tirkeý tıisti qujattardy alǵan soń bastalady jáne saılaýǵa deıin jıyrma kún buryn, 3 maýsymda saǵat 18:00 aıaqtalady. Parlament Senatyna kandıdaty bolyp tirkelý úshin tańdaýshylardyń - Shymkent qalasy máslıhat depýtattarynyń qoldaýyn alý qajet.
Saılaýaldy úgit 2018 jylǵy 3 maýsymda saǵat 18:00-de bastalyp 22 maýsymda aıaqtalady. Parlament Senaty depýtattyǵyna kandıdattardyń saılaýaldy úgit jumysyn júrgizýine respýblıkalyq bıýdjetten qarajat bólinedi.