24 mamyrda turǵyn úı saıasatynyń jańa erejesi kúshine enedi

ASTANA. KAZINFORM – Erteńnen bastap elimizde turǵyn úı saıasatynyń jańa erejesi kúshine enedi. Osyǵan oraı Ónerkásip jáne qurylys mınıstrligi Qurylys jáne turǵyn úı-kommýnaldyq sharýashylyq isteri komıtetiniń tóraǵasy Baqytjan Júnisbekov negizgi ózgeristerdi atady.

Sonymen jańa normaǵa sáıkes:

• baspanaǵa muqtaj azamattardyń tizimi KEZEKTE.KZ júıesinen «Otbasy banki» AQ-tyń aqparattyq júıesine aýystyrylady.
• kezekke qoıý jáne turǵyn úılerdi bólý qyzmeti endi ákimdikterden «Otbasy bankke» ótedi;
• kezekke qoıý áleýmettik sanatqa qaramastan júzege asyrylady;
• baspana kezekke turý kúnine jáne ótinim berýshiniń tabys deńgeıine qaraı usynylady. 

Osylaısha, baspana birinshi kezekte kezekke erterek turyn úlgergen azamattar arasynda bólinedi.

Kezekte turǵandar únemi tekseriledi, 3 aıda keminde bir ret túgendeý júrgiziledi.

- Ótken jyldyń qarasha aıynda Memleket basshysy osy jyldyń 24 mamyrynda kúshine enetin «Turǵyn úı saıasatyn reformalaý týraly» Zańǵa qol qoıdy. Engizilgen túzetýler aıasynda «Otbasy banki» turǵyn úıdi esepke alýdy, qoıýdy jáne bólýdi júzege asyratyn ulttyq damý ınstıtýty bolyp qaıta quryldy. Kezektiń aǵymdaǵy aqparattyq júıesi 24 mamyrǵa deıin jumys isteıdi. Odan keıin kezekte turǵan barlyq azamat Otbasy bankine beriledi, - dedi komıtet basshysy.

Buǵan deıin baspanaǵa muqtaj jandarǵa qandaı memlekettik kómek kórsetiletinin jazǵan edik.