24 mamyr. Tulǵalar týǵan kún
Búgin, 24 mamyr kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
58 jyl buryn (1967) Shymkent qalasy Tótenshe jaǵdaılar departamentiniń basshysy Qýanar Bekenuly BAZARBAEV dúnıege keldi.
Soltústik Qazaqstan oblysy Shalaqyn aýdany Qaratal aýylynyń týmasy.
Eńbek jolyn órt sóndirýshiden bastaǵan. 1994-2000 jyldary Petropavl qalasynyń kúzet beketiniń ınspektory, kezekshi órt sóndirý qyzmetiniń basshysy, bastyǵy bolyp jumys istedi. 2000-2005 jyldary Petropavl qalasynyń órt sóndirý bólimderiniń bastyǵy, 2005-2012 jyldary Soltústik Qazaqstan oblysynyń "Órt sóndirý jáne avarııalyq-qutqarý jumystary qyzmeti" MM bastyǵy, 2012-2015 jyldary Qostanaı oblysy Tótenshe jaǵdaılar departamenti bastyǵynyń orynbasary, 2015-2020 jyldary Mańǵystaý oblysy Tótenshe jaǵdaılar departamentiniń bastyǵy, 2020-2023 jyldary Astana qalasy Tótenshe jaǵdaılar departamentiniń bastyǵy qyzmetin atqarǵan.
Qazirgi laýazymyn 2023 jyldyń qyrkúıeginen beri atqaryp jatyr.
53 jyl buryn (1972) «Qazaqstan temir joly UK» AQ Dırektorlar keńesiniń múshesi, táýelsiz dırektory Natalıa Nıkolaevna GODÝNOVA dúnıege keldi.
Oral qalasynda týǵan. Batys Qazaqstan aýyl sharýashylyǵy ınstıtýtyn (ekonomıst mamandyǵy boıynsha), Reseı Federatsııasy Úkimetiniń janyndaǵy Qarjy akademııasyn bitirgen.
Eńbek jolyn 1993 jyly «Oral Agroónerkásipbankte» ekonomıst bolyp bastaǵan. 1997-2005 jyldary Batys Qazaqstan aýmaqtyq memlekettik múlikti jáne aktıvterdi basqarý komıtetiniń jetekshi mamany, bólim bastyǵy, Batys Qazaqstan oblysy ákimi apparatynyń bólim meńgerýshisi, Batys Qazaqstan oblystyq Ekonomıka jáne bıýdjettik josparlaý departamentiniń dırektory, 2005-2006 jyldary Qazaqstan Respýblıkasynyń Reseı Federatsııasyndaǵy Saýda ókilidiginde keńesshi-ekonomıst, 2006-2009 jyldary Mańǵystaý oblysy ákiminiń keńesshisi, 2009-2011 jyldary Qazaqstan Respýblıkasynyń Reseı Federatsııasyndaǵy Saýda ókildiginiń konsýltanty, orynbasary, mindetin atqarýshy, 2012-2013 jyldary QR Premer-Mınıstri orynbasarynyń keńesshisi, 2013-2015 jyldary Qyzylorda oblysy ákiminiń orynbasary, ekonomıka, qarjy jáne jumyspen qamtý máselelerine jetekshilik etti. 2015-2017 jyldary «Nur Otan» partııasynyń hatshysy, «Nur Otan» partııasynyń Saıası keńesi Bıýrosynyń múshesi, 2017-2018 jyldary QR Ortalyq saılaý komıssııasynyń múshesi, 2018-2022 jyldary Respýblıkalyq bıýdjettiń atqarylýyn baqylaý jónindegi Esep komıtetiniń tóraıymy, 2022-2024 jyldary QR Joǵarǵy aýdıtorlyq palatasynyń tóraıymy laýazymyn atqarǵan.
Qazirgi qyzmetin 2024 jyldyń sáýir aıynan bastap atqaryp keledi.
2022 jylǵy qarashadan beri qazirgi qyzmetinde. Qazaqstan Respýblıkasynyń Qurmet gramotasy (2008) jáne «Qurmet» ordenimen (2016) marapattalǵan.
37 jyl buryn (1988) aýyr atletıkadan álemniń birneshe dúrkin chempıony, QR eńbek sińirgen sport sheberi Ilıa Aleksandrovıch ILЬIN dúnıege keldi.
Qyzylorda qalasynda týǵan. 2009 jyly Qorqyt Ata atyndaǵy Qyzylorda memlekettik ýnıversıtetiniń dene shynyqtyrý fakýltetin bitirgen.
2001 jylǵy jeltoqsanda Semeıde ótken el chempıonatynda Qyzylorda qalasynyń mektep oqýshysy 13 jasar aýyr atlet arnaıy júldege ıe boldy. 2005 jyly 17 jasynda jasóspirimder arasyndaǵy álem chempıony boldy. Sol jyly 15 qarashada Katardyń Doha qalasynda 2005 jylǵy chempıonattyń tańdaýly aýyr atleti atandy. 2006 jyly Qytaıda jastar arasyndaǵy álem chempıony atandy. Osy jyly Santo-Domıngoda 94 keli salmaq sanatynda álem chempıony boldy. 2006 jyldyń jeltoqsanynda Katardaǵy Azııa oıyndarynda 94 keli salmaqta 401 keli nátıjemen chempıon atandy. 2008 jyly Beıjiń Olımpıadasynda jeńimpaz bolyp, altyn medaldy jeńip aldy. 2010 jyly Qazaqstannyń jáne Azııa oıyndarynyń chempıony. 2011 jyly Parıjde úsh dúrkin álem chempıony atandy. 2012 jyly London Olımpıadasynyń chempıony atandy, 2014 jyly Almatyda ótken álem chempıonatynda tórtinshi ret jeńiske jetti. 2016 jyly dopıng daýyna baılanysty eki Olımpıadadaǵy nátıjeleri qaıta qaralyp, HOK tártiptik komıssııasynyń sheshimimen Olımpıadanyń altyn medaldarynan aıyryldy.
2020 jyly Qyzylorda qalasyndaǵy «Muz aıdyny» kesheniniń dırektory qyzmetin atqarǵan. 2020 jylǵy qyrkúıekten Qazaqstan sportshylar odaǵynyń Qyzylorda fılıalynyń basshysy.
«Qurmet», «Barys» ordenderimen marapattalǵan.
33 jyl buryn (1992) QR Úkimeti Apparaty Áleýmettik damý bóliminiń meńgerýshisi Erbol Jorakeldiuly TUıAQBAEV dúnıege keldi.
L.N. Gýmılev atyndaǵy Eýrazııa ulttyq ýnıversıtetin bitirgen.
2011-2013 jyldary «Ulttyq aqparattyq tehnologııalar» AQ, «QR Ádilet mınıstrligi Sot aktilerin oryndaý komıteti» MM, «QR Parlamenti Sharýashylyq basqarmasynyń Injenerlik ortalyǵy» RMK-da óndiristik tájirıbeden ótti. 2013-2018 jyldary QR Bilim jáne ǵylym mınıstrigi Ǵylym komıteti basqarmasy sarapshysy, bas sarapshysy, jetekshisiniń m.a., 2019-2020 jyldary «Aqparattyq-taldaý ortalyǵy» AQ BAQ-pen jáne halyqpen jumys jónindegi departamenttiń menedjeri, «Astana» ÁKK» AQ Strategııa jáne jıyntyq taldaý departamenti, Tsıfrlandyrý jáne kásipkerlikti qoldaý departamentiniń bas menedjeri, 2020-2021 jyldary Astana qalasy ákimi apparatynyń Uıymdastyrý-baqylaý bóliminiń bas mamany, bas ınspektory, jetekshisi laýazymyn atqarǵan. 2021-2022 jyldary Astana qalasy ákimi apparatynyń Inspektorlyq jáne aýmaqtyq jumys bóliminiń jetekshisi, 2022-2023 jyldary Astana qalasy ákimi apparaty jetekshisiniń orynbasary bolyp qyzmet atqardy.
Qazirgi laýazymyn 2023 jylǵy aqpann beri atqaryp keledi.
31 jyl buryn (1994 jyl) álemdik deńgeıdegi tanymal ánshi, kompozıtor, mýltıınstrýmentalıst Dımash (Dinmuhammed) Qanatuly QUDAIBERGEN dúnıege keldi.
Aqtóbe qalasynda týǵan. Dımashtyń ata-anasy – tanymal ánshiler Qanat jáne Sveta Aıtbaevtar. Ol alǵash ret spektaklde oınap, kópshilikke tanyla bastady. Bes jasynda tuńǵysh ret mýzykalyq kolledj sahnasynda án salǵan. Alty jasynda «Aınalaıyn» respýblıkalyq baıqaýynyń «Fortepıano» nomınatsııasynda jeńimpaz atandy. 2010 jyly «Baıqonyrdyń Ásem daýystary» Halyqaralyq festıvaliniń І júlde laýreaty atandy. 2012 jyly «Jas qanat» Respýblıkalyq jas án oryndaýshylar baıqaýynyń Gran-prı júldesine ıe bolyp, osy jyly «Vostochnyı bazar» Halyqaralyq baıqaýynda І júlde laýreaty atandy. 2013 jyly Dımash Qudaıbergen «Meıkın Azııa» І Halyqaralyq festıvaliniń jeńimpazy boldy. Sonymen qatar Vıtebsk qalasynda ótken XXIV Halyqaralyq estradalyq án oryndaýshylar «Slavıan bazary-2015» baıqaýynda Gran-prı jeńip alǵan. 2015 jyly 28 qazan kúni Ystanbulda Dımash Qudaıbergen «Abu TV» Halyqaralyq Azııa-Tynyq muhıt festıvalinda Qazaqstan Respýblıkasynyń atynan alǵash ret qatysty. Ol 2014 jyly Dımash Ahmet Jubanov atyndaǵy mýzykalyq kolledjde akademııalyq án oryndaý synybyn támamdap, Qazaq Ulttyq óner ýnıversıtetiniń «estrada óneri» fakýltetine tústi. Dımash qazaq, aǵylshyn, orys, qytaı, serb, ıtalıan, frantsýz, taǵy basqa tilderde án oryndaıdy. Dımash Qudaıbergenov Qytaıdyń I am a singer (Men ánshimin) telebaıqaýyna qatysyp, saıystyń barlyq kezeńinen ótip ekinshi oryndy jeńip aldy. Atalǵan jobany Qytaıdyń eń iri Hunan TV telearnasy kórsetedi. 2017 jyly Azııanyń «Gremmıi» sanalatyn «Top Chinese Music Award» syılyǵyn «Azııanyń eń tanymal ánshisi» atalymynda jeńiske jetti. Kóptegen halyqaralyq júldelerdiń ıegeri.