24 mamyr kúni elimizde ótetin mańyzdy is-sharalar ańdatpasy

ASTANA. KAZINFORM — Kazinform halyqaralyq aqparat agenttigi 24 mamyr kúni elimizde ótetin mádenı jáne qoǵamdyq mańyzdy is-sharalar ańdatpasyn usynady.

9.00-de UMC bazasynda Ana men bala ortalyǵynda «Jas aspektisindegi gınekologııalyq endokrınologııa» halyqaralyq ǵylymı-praktıkalyq konferentsııasy ótedi. 

9.30-da S. Seıfýllın atyndaǵy Qazaq agrotehnıkalyq zertteý ýnıversıtetinde Qytaı Halyq Respýblıkasynyń Ǵylym jáne tehnologııalar vıtse-mınıstri Chen Tszıachan men Harbın veterınarlyq zertteý ınstıtýtynyń professorlarynyń kezdesýi ótedi. 

10.00-de Dostyq úıinde Keńes Odaǵynyń Batyry, Táýelsiz Qazaqstannyń tuńǵysh qorǵanys mınıstri, armııa generaly Saǵadat Nurmaǵambetovtyń 100 jyldyǵyna arnalǵan dóńgelek ústel ótedi.

11.00-de Ulttyq qoljazbalar jáne sırek kitaptar ortalyǵy alǵash ret «Uly dala tarıhynyń jazbasha murasy» kórmesin ótkizedi.

12.00-de Qazgıdromette qýańshylyqua boljam týraly brıfıng ótedi. 

14.30-da QR Prezıdenti janyndaǵy Ortalyq kommýnıkatsııalar qyzmetinde «Taza Qazaqstan»: óńirlerdegi ekologııalyq ahýal jáne aǵash otyrǵyzý týraly» baspasóz konferentsııasy ótedi.

15.00-de Zańnama jáne quqyqtyq aqparat ınstıtýty QR Ádilet mınıstrligimen birlesip «Jasandy ıntellekt jáne quqyq: Qazaqstan Respýblıkasy men shet elderdiń tájirıbesi» taqyrybynda halyqaralyq ǵylymı-praktıkalyq konferentsııa ótkizedi.

15.00-de Memleket jáne qoǵam qaıratkeri, QR Memlekettik syılyǵynyń ıegeri, fılologııa ǵylymdarynyń doktory, professor Myrzataı Joldasbekovtiń shyǵarmashylyǵyna arnalǵan «Bar baılyǵym — kitaptarym» taqyrybynda dóńgelek ústel ótedi. 

16:00-de EKSPO ortalyǵynda Astana Venture Club-tyń birinshi mereıtoıy ótedi. 

19.00-de «HAS SANAT» óner galereıasynda qytaılyq sýretshi Lý Lınniń «Ormannyń arǵy jaǵy» kórmesiniń ashylýy bolady.