«24 KZ» telearnasy rejısseriniń ómirin jalmaǵan apatqa kináliler izdestirilýde
ASTANA. 13 jeltoqsan. QazAqparat - Jol-kólik oqıǵasy Astanada Abylaı han dańǵylyndaǵy «Vstrecha» dúkeni mańynda oryn aldy.
Rýlinde «24 KZ» telearnasynyń rejısseri Almagúl Tasbolatova bolǵan Shevrole «Aveo» avtokóligi jaryq shamdarynyń beton baǵanasyna kelip soǵylǵan. Nátıjesinde, A. Tasbolatova Astana qalasyndaǵy Travmatologııa jáne ortopedııa ǴZI-da esin jımaı, kóz jumǵan.
Almagúldiń týǵan baýyry, «QazAgro» Holdıngi» AQ baspasóz hatshysy Rınat Tasbolatovtyń agenttik tilshisine habarlaýynsha, jol-kólik oqıǵasyna qalanyń kólik kóp júretin dańǵyldarynyń birinde «báıge jarysyn» uıymdastyrǵan avtokólik buzaqylary sebepker bolǵan.
Oqıǵa kýágerleriniń aıtýyna qaraǵanda, eki avtokólik jolda jarys uıymdastyryp, onyń biri, Folksvagen «Golf» avtokóligi joldyń shetki oń jolaǵymen júrip kele jatqan A.Tasbolatovanyń avtokóliginiń «jolyn kesken». Sonyń saldarynan apat oryn alyp, «24 KZ» telearnasynyń rejısseri qaza tapty. Sonymen qatar, buzaqylar baǵdarshamnyń qyzyl túsine toqtamaı ótip, oqıǵa ornynan izin sýytqan.
Іspen Astana qalasy ІІD Tergeý basqarmasy tergeý bólimi aınalysýda. Qaza tapqan qyzdyń týystary bolǵan oqıǵa kýágerleri, bolǵan oqıǵany beınetirkeýishke jazyp alǵan adamdar bolsa 8-701 460 91 82 nemese 66-26-43 telefondaryna habarlasýdy ótinedi.
