24 qyrkúıek. Týǵan kún ıeleri
ESІMDER
72 jyl buryn (1946) kıno aktrısasy, Reseıdiń halyq ártisi, Qazaqstannyń eńbek sińirgen ártisi, KSRO Lenın Komsomoly syılyǵynyń ıegeri ARYNBASAROVA Natalıa Óteýliqyzy dúnıege keldi.
Máskeý qalasynda týǵan. Máskeý horeografııa ýchılışesin, Búkilodaqtyq kınematografııa ınstıtýtynyń akterlik fakýltetin bitirgen. 1964 jyly «Qyrǵyzfılm» kınostýdııasy túsirgen «Alǵashqy muǵalim» fılminde basty ról - Altynaıdy oınap, kınodaǵy jolyn bastaıdy.
1966 jyly Venetsııada ótken halyqaralyq kınofestıvalde osy róli eń úzdik áıel beınesin jasaǵany úshin beriletin júldege ıe boldy. 1969 jyly «Mánshúk týraly án» jáne «Jámıla» fılmderinde basty rólderdi somdady. Aktrısa «Kól jaǵasynda», «Nan dámi», «Qaraly sulý», «Súırik», t.b. fılmderge túsken.
65 jyl buryn (1953) Eýrazııalyq pallıatıvti kómek qaýymdastyǵynyń vıtse-prezıdenti PETÝHOVA Nadejda Mıhaılovna dúnıege keldi.
Ýkraınadaǵy Lýgansk oblysynyń Popasnaıa qalasynda týǵan. Tselınograd memlekettik medıtsına ınstıtýtyn bitirgen. Pedıatr-dáriger. Instıtýt bitirgennen keıin 1977 - 1981 jyldar aralyǵynda Tselınograd qalasynyń №1 balalar aýyrýhanasynda ýchaskelik pedıatr-dáriger. 1981 - 1984 jyldary Tselınograd oblystyq densaýlyq saqtaý bóliminde dáriger ınspektor bolyp istedi. 1981 - 1984 jyldary - Tselınograd oblystyq densaýlyq saqtaý bólimi emdeý-profılaktıkalyq sektorynyń bastyǵy. 1988 - 1994 jyldary - Tselınograd oblystyq densaýlyq saqtaý bóliminiń týý kezinde kómek kórsetý jáne balalyq shaq boıynsha meńgerýshisiniń orynbasary. 1994 - 2012 jyldary «Astana qalasynyń №1 qalalyq balalar emhanasy» MQKK bas dárigeri. 2012-2016 jyldary Qazaqstan Respýblıkasy Parlamenti Májilisiniń depýtaty, Áleýmettik-mádenı damý komıtetiniń múshesi. «Nur Otan» Halyqtyq-Demokratııalyq partııasynyń múshesi, partııalyq tizim boıynsha saılanǵan. Qazirgi qyzmetinde 2017 jyldan beri.
«Qurmet» ordenimen, «Astananyń 10 jyldyǵy», «Qazaqstan Respýblıkasynyń táýelsizdigine 10 jyl», «Qazaqstan Konstıtýtsııasyna 10 jyl», «Qazaqstan Respýblıkasynyń Parlamentine 10 jyl», «Qazaqstan Respýblıkasynyń táýelsizdigine 20 jyl» merekelik medaldarymen, «Nur Otan» HDP-nyń «Belsendi qyzmeti úshin» jáne «Altyn dáriger» omyraý belgilerimen marapattalǵan.
55 jyl buryn (1963) «Nur Otan» partııasy Almaty oblystyq fılıaly tóraǵasynyń birinshi orynbasary SARYBAEV Ǵalıasqar Tólendiuly dúnıege keldi.
S.M.Kırov atyndaǵy Qazaq memlekettik ýnıversıtetin jáne Qazaq Eńbek jáne áleýmettik qatynastar Akademııasyn bitirgen. Mamandyǵy boıynsha - mehanık, zańger. Eńbek jolyn V.I. Lenın atyndaǵy Pavlodar traktor zaýytynda ınjener-konstrýktor bolyp bastaǵan. Ár jyldarda Kerbulaq aýdandyq komsomol komıtetinde jáne jergilikti atqarý organdarynda jaýapty qyzmetterde boldy. Keıin Almaty oblystyq Aqparat jáne qoǵamdyq kelisim basqarmasynda bas maman, bólim bastyǵy, Almaty oblystyq ishki saıasat basqarmasy bastyǵynyń orynbasary qyzmetterin atqarǵan. 2011 jyldyń mamyrynan - Taldyqorǵan qalasy ákiminiń orynbasary, 2015 jyldyń mamyrynan - Almaty oblystyq ishki saıasat basqarmasynyń basshysy boldy.
Qazirgi qyzmetinde - 2016 jyldyń mamyrynan.
53 jyl buryn (1965) fızıka-matematıka ǵylymdarynyń kandıdaty, «Samuryq-Qazyna» Ulttyq ál-aýqat qory» aktsıonerlik qoǵamynyń Úkimetpen baılanys jónindegi basqarýshy dırektory RAHMETOV Nurlan Qusaıynuly dúnıege keldi.
Batys Qazaqstan oblysynda týǵan. M.Lomonosov atyndaǵy Máskeý memlekettik ýnıversıtetin jáne onyń aspırantýrasyn bitirgen.
Abaı atyndaǵy Almaty memlekettik ýnıversıtetinde oqytýshylyqtan bastaǵan. 1990-1996 jyldary - Qazaq KSR Ǵylym Akademııasynyń Matematıka jáne mehanıka ınstıtýtynyń kishi ǵylymı qyzmetkeri, Abaı atyndaǵy Almaty memlekettik ýnıversıtetiniń aǵa oqytýshysy. 1996-1998 jyldary - «Býtıa» kompanııasynyń bólim bastyǵy, qarjy dırektory. 1998-2002 jyldary - «Qazaqstan temir joly» respýblıkalyq memlekettik kásiporny bas dırektorynyń orynbasary, Qazaqstan Respýblıkasy Memlekettik kiris mınıstrligi taldaý jáne tabystardy boljaý departamentiniń dırektory, Qazaqstan Respýblıkasy Memlekettik kiris mınıstrliginiń vıtse-mınıstri. 2002-2003 jyldary - Qazaqstan Respýblıkasy Qarjy mınıstrliginiń vıtse-mınıstri. 2003-2004 jyldary - «QazTransGaz» JAQ jáne «Intergas Central Asia» JAQ-nyń bas dırektorynyń orynbasary. 2004-2006 jyldary «QazMunaıGaz»UQ» aktsıonerlik qoǵamynyń qarjy jáne ekonomıka jónindegi basqarýshysy. 2006-2008 jyldary Qazaqstan Respýblıkasy Qarjy mınıstrligi Salyq komıtetiniń tóraǵasy qyzmetterin atqarǵan. 2008 jyldan «Samuyq-Qazyna» UÁQ» AQ basqarýshy dırektory. 2011-2014 jyldary «Samuryq-Qazyna» Ulttyq ál-aýqat qory» aktsıonerlik qoǵamynyń basqarýshy dırektory - Basqarma múshesi. 2014-2016 jyldary «Samuryq-Qazyna» Ulttyq ál-aýqat qory» aktsıonerlik qoǵamynyń qarjy dırektory - Basqarma múshesi. Qazirgi qyzmetinde - 2016 jyldan beri.
QR Prezıdentiniń jáne Premer-Mınıstriniń alǵyshattarymen marapattalǵan.
9 ǵylymı maqalanyń avtory.